लू‍कस 10:21 - पुना गच्छरना NT (BSI)

²¹ आ बारिम येसुस नेम्‍हा बॊलतस नू खुसमारस ती बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन अख़'उर अरा लूरगर आलर लेक्‍खा तमन सोचनर आर ती नुड्डकादय, अरा लुदऊ लेक्‍खा ई सन्नी ख़द्दर गे ऎदकय। हाँ, अना बंग, निंगा ईदिम बॆस लग्‍गिया।

लू‍कस 10:21 ပူးပေါင်းရင်းမြစ်များ

मत्तायोस 16:17

येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्‍ख्रका आलय, एन्‍देरगेका एक‍अम आलस मला लिकिन एकास मेर्ख़ा नू र'ऊ एंग्‍है बंगस ई कत्‍थन निंगा गे दहदर नंजकादस।

मत्तायोस 21:16

अरा येसुसिन बाचर, “नीन मेन्दय का ई ख़द्दर एन्‍देर ब'आलनर?” येसुस बाचस, “हाँ, एन्‍देर नीन नेम्हा पुथी नू इकलअम मल्‍ला पढ़चका का: ‘ख़द्दर अरा बॊलॊ ख़द्दर ही बई ती नीन ओहमा ख़क्‍खकय?’”

मत्तायोस 3:7

यॊहनस बग्‍गे फरिसीर अरा सदुकीरिन नॊड़र'आ गे तंग्‍हा हेद्दे बरनन ईरीयस ती आरिन बाचस, “अना बिक्‍ख नेर्रे बेसे आलारो, पाप नन्नन बिगर अम्‍बका ‍ती धर्मेसी बरना दंडे ती बोंगा गे निमन निक‍ईम चेता बाचर का?

मरकुस 10:15

ऎन निमन ओन्‍टा मानिम कत्‍था ब'अदन, एकासे ख़द्दर अयंग बंगर गे सोंपरनर अन्नेम एका ओर्तर धर्मेस गे सोंपरनर आरिन दिम धर्मेस राजी ननोस।”

लू‍कस 15:5

अरा आस अदिन ख़क्‍खदस ती खुसमारनुम अदिन ख़ेसेर नू चेड़दस।

लू‍कस 15:9

अरा अदिन बिद्दी होले, आद तंग्‍है संगियारिन अरा अरबर-परबारिन मीख़ी ती तिंगी, ‘एंग्‍है गने खुसमार'ए एन्‍देरगेका ऎन एंग्‍है एबसका ढिबन बिद्दिय'अन।’

यॊहनस 11:41

ख़ने आर पखनन टाँड़चर। फिन येसुस म‍इय्‍याँ मॆन ईरियस ती बाचस, “अना बंगायो, ऎन निंगन धन्‍यवाद नन्‍दन का एंग्‍हैन नीन मेंजका र'अदय।

2 कोरिन्‍थ 4:3

अन्‍ति एम्‍है दौ कत्‍था नू इन्द्रिइम ओदहा र'ई होले, आद नॆ नठारनर कानर आर गे अन्ने र'ई।

इफेसुस 1:11

तंग्है उर्मी चिताबुतन तंग्है मने ही लेक्खा पूरा ननू धर्मेसी चिताबुता ही लेक्खम नाम मुन्द दिम ठंचका ती मसीस नू चजका र'अदत।

इफेसुस 1:5

नमन येसु मसीस ती आसी गोद उइय्का ख़द्द मना गे मुन्द दिम ओकताचस। आस इदन तंग्‍है चिताबुता ती अरा तंग्है मने ती नंजस।