लू‍कस 10:2 - पुना गच्छरना NT (BSI)

² आस आरिन बाचस, “ख़ोयना गा बग्‍गे र'ई, लिकिन बनीहार जुक्‍किम र'अनर, इदगे तंग्‍है ख़ोयना गे बनीहार आलारिन त‍इय्या गे ख़ोयना ही उर्बासिन गोहरार'आ।

लू‍कस 10:2 ပူးပေါင်းရင်းမြစ်များ

मत्तायोस 20:1

मेर्ख़ा राजी गा ओर्त ख़ल्‍ल उर्बस लेक्खा र'ई। आस पैरिम अंगुर बटकी नू बनिहार हेलाब'आ उरखस।

मरकुस 13:34

ई उदाहरन आबोन मेना। ओन्‍टा आलस रहचस। आस उन्‍दुल डहरे ईक्‍कियस। आस एड़पा ती काना ती मुन्‍द तंग्‍है जॊंख़र सिरे एड़पा ही उर्मी नलख अम्‍बियस चिच्‍चस। तहाँ आस बली ख़ा‍पुसिन जॊहचका र'आ गे आनियस।

मरकुस 16:15

अरा आस आरिन आनियस, “सौंसे ख़ॆख़ेल नू कला अरा उर्मी आलर गे दौ कत्‍थन मेन्‍त'आ।

मरकुस 16:20

अरा चेलर उरखरकी उर्मी अड्डा नू दौ कत्‍थन मेन्‍ताचर। अरा उर्बस आरिन अकबक नलख नन्‍त'अना नू आर ही गने नलख ननालियस। इबड़ा नलख गुट्ठी ई कत्‍थन मानिम साबित नंजा।] आमेन।

लू‍कस 9:1

येसुस तंग्‍है बारो चेलारिन मीख़ियस ती आर गे उर्मी मलदौ बॊलता गुट्ठी म‍इय्याँ अरा बेमार गुट्ठिन उजग'आ गे सवंग अरा आकुस चिच्‍चस।

त‍इरकर 11:19

स्‍तेफनोसिन पिटका ही ख़ॊख़ा मंजका कल्‍पारना चड्डे एका एका ओर्तर भगियारका केरका रहचर, आर फोइनिकॆ चकभार अरा कुप्रोस टापू अरा अन्‍तियोख़ेया ‍नगरे गूटी यहूदीर गे लेका दौ कत्‍था तेंगा कुद्दा लगियर।

त‍इरकर 13:2

आर उन्‍दुल उपास नन्नुम उर्बासी महबा नना लगियर ख़ने, नेम्‍हा बॊलतस बाचस, “ऎन स‍उलसिन अरा बरनबासिन एन्‍देर नलख गे मीख़कादन अदगे आरिन भिनंग नना।”

त‍इरकर 13:4

अन्नेम बरनबास अरा स‍उलस नेम्‍हा बॊलतस ती त‍इय्का ती सेलुकिया केरर अरा असलेक ती आर कोहाँ डोंगा नू कुप्रोस टापू केरर।

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

त‍इरकर 22:21

ख़ने आस एंगन बाचस, ‘कला, एन्‍देरगेका ऎन निंगन गेच्‍छा नू नन-यहूदी आलर गुसन त‍इय्योन।’”

त‍इरकर 8:4

एकार छितिर बितिर मंजका रहचर आर एसन एसन केरर असन दौ कत्‍था तेंगा लगियर।

1 कोरिन्‍थ 12:28

अरा धर्मेस कलीसिया नू जोक्‍क आलारिन ओकताचकादस। पहिल गा तइरकारिन, दोसर धर्मेसी कत्‍थन मुन्‍द तिंगुरिन, तिसर धर्मेसी कत्‍था सिखाब'उरिन ओकताचकादस। अदही ख़ॊख़ा हैकट नलख गुट्ठी ननुरिन, अदही ख़ॊख़ा कोड़े नना गे सवंग ख़क्‍खका आलारिन ओकताचकादस। अदही गने नन्नर गे संगरा ननुरिन, अरा कड़हाब'उरिन, अरा कैनो मदहे बलना भखा गुट्ठिन कछनख्र'उरिन ओकताचकादस।

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

फिलिप्‍पी 2:21

अउर नन्ना ओर्मर तम्है तम्है पत्त ता कत्था गुट्ठी गे लेका घोख नन्नर, येसु मसीसी कत्था गुट्ठी गे घोख मल नन्नर।

फिलिप्‍पी 2:25

लिकिन एंग्है चाड़ नू एंगा गे संगरा नना गे नीम तइय्का निम्है पैकस एपाफ्रोदितोसिन निम्है गुसन किर्तर तइय्या गे चाड़ र'ई एन्ने ऎन सोचदन। आस एंग्है भईस, अरा एंग्‍हा गने सुसर नलख ननुस, अरा एंग्है गने ओन्टा सैनस लेक्खा दौ कत्था तेंगना नू संगरा ननुस र'अदस।

फिलिप्‍पी 2:30

एन्देरगेका निम्है ती एंगा गे नना पोलना सहाड़ा आबोन आस एंगा गे नना गे आस तंग्‍है जियन हूँ अपलोक नू नंजस। एन्नेम मसीसिन सुसर'अना नलख गे खे'आ गे हूँ मल इल्चियस।

कोलोस्से 1:29

अदगेम ऎन एंग्है नू सवंग गने नलख ननू आसी पया लेक्‍खा जिया कया ती अर्ज'अदन।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

1 थेस्‍सलोनिकॆयर 2:9

अना भईरो, नीम एम्‍है अर्जाचका अरा सस्‍तिन सुरत'अदर। ऎम नॆखा नू हूँ ओत्‍था अम्‍बोम मना, अदगेम ऎम उल्‍ला माख़ा नलख नंजकम ती निम्‍है नू धर्मेसी दौ कत्‍थन तिंकम।

1 थेस्‍सलोनिकॆयर 5:12

अना भईरो, अक्‍कुन ऎम निमन गोहरारदम, निम्‍है नू खिलपत चॊदनर ती नलख नन्‍नर अरा निमन उर्बस नू कड़हाब'अनर ती सिखाब'अनर, आरिन नीम मईन नन्‍नुम कला।

2 थेस्‍सलोनिकॆयर 3:1

अना भईरो! छेद्दे नू उर्बासी कत्‍था निम्‍है गुसन अंड़सिया अन्नेम उर्मी अड्डा चाँड़हे अंड़सो म‍ईन ख़क्‍ख्र'ओ अदगे एमा गे गोहरार'आ।

1 तीमोथियुस 4:10

ओर्मर गे कोड़हे गा आसिन पत्त‍'उर गे बछाब‍'ऊ उज्‍जना धर्मेस म‍इय्याँ नम्‍है असरा र'ई। इदगेम नाम चिहुट अरा तिहा नन्‍तेम र'अदत।

2 तीमोथियुस 4:5

लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।

फिलॆमॊन 1:1

मसी येसुसी पत्त ता दौ कत्था तेंगना ही चड्डे जेहेल नू हॆंरका पौलुस ऎन, अरा नम्है भईस तीमोथियुस ई चिठिन नम्है दुलार अरा नम्है गने सुसर नलख नू र'ऊ फिलॆमॊनस गे लिखदम।

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

दहदर मंजका कत्‍था 2:1

इफेसुस नगरे ता कलीसिया ही पैकस गे एन्ने लिख'आ का: नॆ तंग्‍है तीना ख़ेक्खा नू सात गोट बीनकोन धरचका ती सात गोट सोना ही बिल्‍ली पटनी ही मझी नू कुद्ददस, आस इबड़ा कत्थन ब'अदस का: