लू‍कस 10:16 - पुना गच्छरना NT (BSI)

¹⁶ एका ओर्तस निम्‍हैन मेन्‍दस आस एंग्‍हैन मेन्‍दस। अरा एका ओर्तस निमन ख़ाँड़दस आस एंगन ख़ाँड़दस। अरा एका ओर्तस एंगन ख़ाँड़दस आस एंग्‍है त‍इय्‍कासिन ख़ाँड़दस।”

लू‍कस 10:16 ပူးပေါင်းရင်းမြစ်များ

मत्तायोस 10:40

एकास निमन इंझ्रदस आस एंगन इंझ्रदस अरा एंगन इंझ्र'उस एंग्‍है त‍इय्युस एंग्‍है बंगासिन इंझ्रदस।

मत्तायोस 18:5

एका ओर्तोस ई बेसे ओन्‍टा सन्नी ख़द्दासिन एंग्‍है बदली नू इंझ्रदस आस एंगन इंझ्रदस।

मरकुस 9:37

“एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। इदही माने एन्ने हवे, आस एंगन लेका मल इंझ्रदस लिकिन एंगन त‍इय्‍का एंग्‍है बबासिन हूँ इंझ्रदस।”

लू‍कस 9:48

अरा आरिन बाचस, “एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। अरा एका ओर्तोस एंगन इंझ्रदस आस एंगन त‍इय्‍का एंग्‍है बबासिन हूँ इंझ्रदस। अरा नॆ निम्‍है नू तंगन सन्नी ती सन्नी अख़दस आसिम धर्मेसी ऎरना नू कोहाँ र'अदस।”

यॊहनस 12:44

तहाँ येसुस चिच्‍चियारस ती बाचस, “नॆ एंग्‍है मइय्याँ पत्त'अदस, आस एंग्‍है मइय्याँ लेका मला, एंगन तइय्युस मइय्याँ हूँ पत्त'अदस।

यॊहनस 12:48

नॆ एंगन ख़ाँड़ना ती एंग्‍है कत्‍था गुट्ठिन मल इंझ्रदस, आस गे ओन्टा नेंव‍ई ननुस र'अस। ऎन बाचका ई कत्‍था दिम छेद्दे उल्‍ला नू आसिन नेंव‍ई ननो।

यॊहनस 13:20

ऎन निमन मानिम ब'अदन, ऎन तइय्‍का नॆक'अनिम नॆ इंझ्रदस, आस एंगन हूँ इंझ्रदस। अरा नॆ एंगन इंझ्रदस, आस एंगन नॆ तइय्कादस आसिन हूँ इंझ्रदस।”

त‍इरकर 5:4

आ ख़ल्‍लन बीसना ती मुन्‍द आद निंग्‍है दिम रहचा। अरा बीसका ख़ॊख़ा हूँ अदही दामन निंग्‍है मने लेक्‍खा नना ओंगा लिक्‍कय। एन्‍देरगे नीन एन्ने नलख नना गे सोचकय? नीन एंगन मला धर्मेसिन ठकचकय।”

गलातिया 4:14

अरा ऎन कया ही पयहा चड्डे निमा बोझा मंजकन। अन्नु हूँ नीम एंगन हींड़चकर मला अरा एंगन ख़ाँड़चकर मला। लिकिन नीम एंग्‍है एन्ने मईन नंजकर का ऎन धर्मेसी पैकस मलता मसी येसुस लेक्‍खा रहचकन।

1 थेस्‍सलोनिकॆयर 4:8

ई चड्डे एकास तिगाब'अनन हींड़दस आस आलारिन मला धर्मेसिन हींड़दस नॆ निमा गे तंग्‍है नेम्‍हा बॊलतासिन चि'अदस।