74 नम्है बैरिर ही ख़ेक्खा ती नाड़ोस,
नम्है बैरिर अरा नम्है धोकहर जम्मेर ही ख़ेक्खा ती नमन नाड़ोस,
आस नम्है पूरखा अब्राहमस गे किरया मॊख़रकी,
अरा नम्है उज्जना उल्ला गूटी आसी मुन्दहारे नेम्हा अरा उजगो नू बिगर इल्चका ती सुसर'आ गे सवंग चि'ओस।
लिकिन अक्कु नीम पाप ही सवंग ती अम्बरकर ती धर्मेसी बिट्ठी ननू जॊंख़र मंजका र'अदर। ईद निमन नेम्हा उज्जा गे कड़हाब'ई। एकदा ही ख़ंजपा र'ई जनमजुग ही उज्जना।
निमा जॊंख़ मंज ख़च्चना ही बॊलता मल्ला ख़क्ख्रका का अन्ति नीम अत्रु मुन्द लेक्खा एल्चोर। लिकिन नीम धर्मेसी बॊलतन ख़क्खकर इकला आस निमन तंग्है ख़द्द-ख़र्रा बेसे गढ़चस। अक्कु नाम आसिन “अना बबा, अना बंग” ब'अदत।
एन्देरगेका धर्मेस एल्चना चि'ऊ बॊलतन मला लिकिन सवंग अरा चोन्हा अरा कयास चि'ऊ नेम्हा बॊलतासिन चिच्कादस।
अरा आलर खे'अना ही इल्चका ती बिट्ठी ननू जॊंख़ लेक्खा तम्है गोट्टा उज्जना नू र'अनर आरिन अम्बत'आ गे आस एन्ने मंजस।
अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्जना धर्मेसिन सुसर नना ओंग्दत। एन्देरगेका मसीस जनमजुग ही बॊलतासी सवंग ती तंगन नम्है पाप गुट्ठी गे पखड़ दाँड़े बेसे धर्मेस गे अरगस।
एका दुक्खे निंगा भोगना मनो अत्रु नीन अमकेम एल्चा। सैतान निमन बिढ़'आ गे निम्है ती जोक्कोरिन जेहेल नू सजत'ओ। अरा नीम दस उल्ला गूटी दुक्खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्जना ही मुकुट चि'ओन।
