लू‍कस 1:32 - पुना गच्छरना NT (BSI)

³² आस उर्मी ती कोहाँ मनोस, अरा उर्मी ती कोहाँ धर्मेसी तंग्‍दस बातार'ओस। धर्मे उर्बस आसी पूरखा दाऊद बॆलासी लेक्‍खा आसिन राजी ननू कम'ओस।

लू‍कस 1:32 ပူးပေါင်းရင်းမြစ်များ

मत्तायोस 1:1

ईद अब्राहमसी ख़द्दस दाऊदसी ख़द्दस येसु मसीसी पूरखर ही नामे हवे।

मत्तायोस 12:42

दखिन देस ता रानी ख़ॆख़ेल ही ओन्‍टा कोड़ा ती सालोमॊनसी लूर ही कत्‍थन मेना गे बरचा। अरा ऎरा, इसन सालोमॊनस ती हूँ कोहँस ओर्तस र'अदस। ख़ने रायबड़ी उल्‍ला नू आद ई बेड़ा ता आलर गने चो'ओ ती ईरिन दुस'ओ।

मत्तायोस 28:18

तहाँ येसुस आर ही हेद्दे बरचस ती बाचस, “मेर्ख़ा अरा ख़ॆख़ेल नू उर्मी अदिया एंगा चीरकी र'ई।

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

मरकुस 14:61

लिकिन येसुस कलेकसे अकलगुम रहचस अरा एन्‍देर हूँ किर्त'अर मल चिच्‍चस। ख़ने कोहाँ नैगस फिन आसिन मेंजस, “नीन महबा ही जॊगे धर्मेसी ख़द्दय मसी हिकदय का?”

मरकुस 5:7

ख़ने येसुस आसिन बाचस, “हे मलदौ बॊलता, ई आलस ती उरखय बरय।” ख़ने आस चिच्चि‍यारनुम बाचस, “हे येसु! उर्मी ती कोहाँ धर्मेसी ख़द्दायो, एंग्‍है गने निंगा एन्‍देर नलख? ऎन धर्मेसी नामे ती किरया मॊख़दन का एंगन दुक्‍खे अमा चि'आ।”

लू‍कस 1:15

आस उर्बासी ऎरना नू कोहाँ आल मनोस। आस अंगुर रासी महले अउर नन्ना निसा मलम ओनोस। आस तंग्‍है अयंग ही ओदर तिम नेम्‍हा बॊलतस ती निन्‍द्रका र'ओस।

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

लू‍कस 1:76

अना एंग्‍है ख़द्दायो, नीन उर्मी ती कोहाँ धर्मेसी कत्‍था तिंगू आल बार'ओय, एन्‍देरगेका नीन उर्बासी डहरेन सपड़'आ गे आसी मुन्‍द ऎ‍कोय।

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

लू‍कस 6:35

औंगे अपन बैरीरिन चोन्‍हा नना अरा आर गे दौ नना। अरा ख़क्‍खना ही असरा मल ननरकी नहड़ा चि'आ। होले निमा गे बग्‍गे इनाम ख़क्‍ख्र'ओ, अरा नीम उर्मी ती मेच्‍छा नू र'ऊ धर्मेसी ख़द्दर लेक्‍खा मनोर। सुरता ननके का धर्मेस गा धन्‍यबाद मल नन्नुर अरा मलदौ आलर मइय्याँ हूँ सोग्‍गे ऎरदस।

यॊहनस 12:34

तहाँ असन ख़ॊंड़रका आलर आसिन बाचर, “ऎम नॆग ती मेंजकादम का मसीस सगरो उज्‍जोस। अन्ने र'ई होले नीन एकासे ब'आ ओंग्‍दय का ‘मनवा ख़द्दासिन म‍इय्याँ चॊदतारना ही चाड़ ‍र'ई?’ ई मनवा ख़द्दस एका ओर्तस?”

यॊहनस 6:69

ऎम पत्त'अदम अरा अख़दम का नीन धर्मेसी नेम्‍हा आलय।”

त‍इरकर 16:17

आद पौलुसी अरा एम्‍है ख़ॊख़ा बरचा ती चिच्चि‍यार'आ हेलरा, “इबड़ा आलर उर्मी ती कोहाँ धर्मेसी जॊंख़र हिकनर। ईर नीम एकासे नाड़र'आ ओंग्दर अदही पत्त नू तेंगनर।”

त‍इरकर 2:30

दाऊदस ओन्‍टा धर्मेसी कत्‍था तिंगुस रहचस। आस अख़'आलियस का धर्मेस किरया मोक्‍खस ती आसिन एन्ने बाचका रहचस, ‘ऎन निंग्‍है ज‍ईपुंईरिन ओर्त आलासिन निंग्‍है बॆल-गदिया नू ओक्‍त'ओन।’

त‍इरकर 2:36

औंगे इस्राऎल ही ओर्मा आलर इदन मानिम गने अख़'आ हो'आ का नीम क्रुस नू ठोकचका ई येसुसिन धर्मेस उर्बस हूँ अरा मसीस हूँ कमचस।”

त‍इरकर 7:48

अन्नु हूँ उर्मी ती कोहाँ धर्मेस आलर ही कमचका एड़पा नू मल र'अदस। एकासे का धर्मेसी कत्था तिंगुस बाचस,

रोमी 1:4

आस नेम्‍हा बॊलतासी सवंग ती केचका ती उज्‍जा चो'अना ती धर्मेसी ख़द्दस नंज ऎदस। आसिम नम्‍है उर्बस येसु मसीस हवे।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: