1 ऎम पत्त'ऊ आलर ही मझी नू येसुसी नंजका नलखन लिख'आ गे बग्गे आलर मुन्द बरचर।
अरा चेलर उरखरकी उर्मी अड्डा नू दौ कत्थन मेन्ताचर। अरा उर्बस आरिन अकबक नलख नन्त'अना नू आर ही गने नलख ननालियस। इबड़ा नलख गुट्ठी ई कत्थन मानिम साबित नंजा।] आमेन।
लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्जनन ख़क्खा गे दिम इबड़ा लिख्रकी र'ई।
ओर्तस एका उल्लन नन्ना उल्ला ती बॆस मनदस। अरा नन्नस उर्मी उल्लन ओन्टम मनदस। ओर्मर ई पत्त नू तम्है तम्है जिया नू पोकता र'अना र'ई।
अब्राहमस निचट अक्खस का एका कत्थन धर्मेस गच्छरकादस, आस अदिन पूरा नना गे सवंगिय र'अदस।
नीम हूँ अरा आर हूँ रिझ्रारकी चोन्हा ती मेस्रका र'अना र'ई, ईद दिम एंग्है मने हवे। होले नीम उर्मी बुझुरना गने अजगुत आसीसन ख़क्खोर ती धर्मेसी गम आबोन अख़'ओर चि'ओर। आ गम मसीस दिम हवे।
अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्जका र'ओर।
एम्है दौ कत्था निम्है गुसन कत्था लेका नू मल्ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्है मझी नू एकासे नंजकम ती रहचकम।
ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।
लिकिन उर्बस एंग्है गने रहचस ती एंगा सवंग चिच्चस। होले ऎन दौ कत्था बॆस लगे तेंगा ऊंग्कन, अरा नॆ यहूदी मलनर आर हूँ एंग्है ती अदिन मेना ऊंगियर। आस एंगन पिटरना ती बछाबाचस।
औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्देरगेका नम्है लखना ही बदी आबोन तरकूटी नना गे नम्है जिया मसीसी ख़ॆंस ती सुध मंजकी र'ई अरा नम्है कया निमन अम्मु ती नूड़की र'ई।
ऎन बेद्ददन का नीम एन्देरगे असरा नन्दर आद मंज ख़च्चना गूटी निम्है नू ओर्मर मुंज्रना गूटी एन्नेम नलख नन्नते र'अना र'ई।