यॊहनस 9:7 - पुना गच्छरना NT (BSI)

⁷ अरा आसिन बाचस, “कला ती सिलॊवम पोखारी नू नॊंढ़रके।” (“सिलॊवम” ही माने तइय्‍का हवे।) आस अन्नेम केरस ती नॊंढ़रस अरा ईरनुम ती एड़पा किर्रियस।

यॊहनस 9:7 ပူးပေါင်းရင်းမြစ်များ

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

लू‍कस 13:4

एन्नेम नीम एन्ने सोचदर का सिलॊवम ता गुम्मट अठारा आलर म‍इय्याँ खत्तरा ती आरिन पिटिया, ईर येरुसलॆम नू र'ऊ ओर्मा आलर ती बग्‍गे पपहा रहचर का?

लू‍कस 2:32

ईस नन-यहूदीर गे धर्मेसिन दहदर नन्ना ही बिल्‍ली अरा निंग्‍है निज आलर इस्राऎल गे महबा आबोन ओन्‍द्र'ओस।”

यॊहनस 10:36

एंग्‍है पत्त नू ईद का, एंगन बंगस चज्जियस ती एंगन ख़ॆख़ेल नू तइय्यस। होले ऎन धर्मेसी ख़द्दन हिकदन बाचका ती नीम एकासे एंगन ब'आ ओंग्‍दर का ऎन धर्मेसिन निंदा नन्‍दन?

यॊहनस 11:37

लिकिन अबड़र ती जोक्‍कोर बाचर, “ईस अन्धहा आलासिन कोड़े नंजस। ईस लाजरसिन खे'अना ती बछाब'अरकी उइय्या गे पोल्‍लस का?”

यॊहनस 9:11

आस बाचस, “येसु एन्ने आर ती बारना ओन्‍टा आलस ख़ज्‍जो सनचस ती एंग्‍है ख़न्‍न नू टुड़ियस ती एंगन बाचस, ‘कला ती सिलॊवम पोखारी नू नॊंढ़रके।’ ख़ने ऎन केरकन ती नॊंढ़रकन अरा ऎरा हेलरकन।”

यॊहनस 9:39

तहाँ येसुस बाचस, “नेंवई गे ऎन ख़ॆख़ेल नू बरचकन। ख़ने नॆ अन्धहा र'अनर आर ऎरोर, अरा नॆ तमन ऎम ऎरदम एन्ने सोचनर, आर अन्धहा बार'ओर।”

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।