यॊहनस 9:29 - पुना गच्छरना NT (BSI)

²⁹ ऎम अख़दम का धर्मेस मूसस गने कछनख्रस, लिकिन आ आलासी पत्त नू ऎम अख़'आ हूँ बलदम का आस एस्‍ते बरचस।”

यॊहनस 9:29 ပူးပေါင်းရင်းမြစ်များ

मत्तायोस 12:24

लिकिन फरिसीर इदिन मेंजर ती बाचर, “ई आलस गा नाद गुट्ठी ही मुद्धस बॆलजेबूल ती नाद गुट्ठिन ओथ्रदस।”

मत्तायोस 26:61

आर बाचर, “ऎम ईसिन एन्ने ब'अना मेंजका र'अदम, ‘ऎन धर्मेसी ई मन्दिर आबोन धंस'आ ओंग्दन, अरा तीन उल्‍ला नू ऎन कम'आ ओंग्‍दन।’”

लू‍कस 23:2

अरा आर आसी म‍इय्याँ एन्ने बाचर ती दोस ठेका ब'आ हेलरर, “ऎम ईसिन एम्‍है आलारिन बहक'‍अना ‍अरा कैसरस गे मालगुजारी चि'आ गे छेंकना अरा तंगन मसी बॆल ब'अना मेंजका र'अदम।”

यॊहनस 1:17

एन्‍देरगेका धर्मेसी पॆसका मूसस ती चीतारा, लिकिन मया अरा मानिम येसु मसीस ती बरचा।

यॊहनस 7:27

लिकिन नाम ईसिन अख़दत का ईस एस्‍तस। एकाबारी मसीस बर'ओस, आ बारी नॆ हूँ बल्‍लोर आस एस्‍तस।”

यॊहनस 7:28

ख़ने येसुस धर्मेसी मन्दिर नू सिखाब'अनुम रहचस ती जॊर ती बाचस, “हाँ, एंगन नीम अख़दर अरा इदिन हूँ अख़दर ऎन एस्‍तन। लिकिन ऎन एंग्‍है मने ती मल बरचकन, ‍एंग्‍है तइय्युस मानिम र'अस, आसिन नीम बलदर।

यॊहनस 8:14

ख़ने येसुस आरिन बाचस, “ऎन ऎनिम एंग्‍है पत्त नू गोवाह चिच्‍चकन, अन्नु हूँ एंग्‍है गोवाह मानिम र'ई, एन्‍देरगेका ऎन एस्‍ते बरचकन‍ अरा एसन कादन ऎन अदिन अख़दन। लिकिन नीम बलदर का ऎन एस्‍ते बरचकन महले एसन कादन।

यॊहनस 9:16

तहाँ फरिसीर ती जोक्‍कोर बाचर, “ईस धर्मेस तरती मलकस, एन्‍देरगेका ईस ख़न्‍न एख़ना उल्‍ला ही नॆगन मल मनदस।” लिकिन नन्नर बाचर, “ओर्त पपहा आलस एकासे एन्ने लेक्‍खा अजगुत नलख ही चिन्‍हन नना ओंग्‍दस?” ख़ने आर तम्‍है नू ख़ाड़रर केरर।

यॊहनस 9:24

फेन आर अन्धहा रहचस आसिन दोसर खेप हूँ मीख़ियर ती बाचर, “धर्मेसी मुन्दहारे किरिया मॊख़ा का नीन मानिम ब'अदय। ऎम अख़दम का आस पपहा आलस।”

यॊहनस 9:30

आस आरिन बाचस, “निम्‍है ई कत्‍था गा हैकट कत्‍था हवे। आस एंग्‍है ख़न्‍नन कोड़े नंजस, अन्नु हूँ नीम इदिन हूँ बलदर आस एस्‍तेक बरचस।

त‍इरकर 22:22

आसी एन्ने ब'अना गूटी अबड़ा आलर आसहीन मेना लगियर। तहाँ जॊरसरिया चिच्चियारर ती बाचर, “एन्ने आलासिन ख़ॆख़ेल ती पिटा चि'आ, ईस गा उज्‍जना जॊगे मलकस।”

त‍इरकर 26:22

लिकिन धर्मेसी सहाड़ा ती इन्ना गूटी र'अदन अरा सन्नी ती कोहाँ ओर्मर ही मुन्‍दहारे गोवाह तेंगदन। एका कत्‍था मना ओंगो ब'अरकी धर्मेसी कत्‍था तिंगुर अरा मूसस तिंका रहचस अदिन दिम ऎन तेंगदन। अदही ती बग्‍गे ऎन एन्देर हूँ मल तेंगदन का,

त‍इरकर 7:35

एका मूसासिन आर ‘नॆ निंगन एम्‍है म‍इय्याँ आकुस ननू अरा नेंव‍ई ननू कमचा?’ बाचर ती मल इंझ्रकाचर। आसिनिम धर्मेस आकुस ननू अरा बछाब'ऊ कमचस ती लघरना ख़ोप्‍पा नू ऎथ्रका रहचस आ मेर्ख़ा पैकस ती आसिन त‍इय्यस।

इब्रानी 1:1

चिरान नू धर्मेस गा घड़ी घड़ी अरा नन्ना नन्ना घत ती नम्‍है पुरखारिन धर्मेसी कत्‍था तिंगुर ती बाचका रहचस।

इब्रानी 1:2

लिकिन अक्‍कु इबड़ा छेद उल्‍ला नू धर्मेस नम्‍है ती तंग्‍है ख़द्दस ती कछनख्रस। धर्मेस आसिन उर्मी जिनिस ही मइय्याँ जिमा कमचस, अरा आस ती गोट्टा सौंसेन गढ़चस।