28 ख़ने आर आसिन हींड़चर ती बाचर, “नीनिम आसी चेलय, ऎम गा मूसासी चेलम।
डहरे नू कालू बरऊ आलर कुक्कुन नुक'अरकी भेंसड़'आ लगियर।
एकाबारी आलर नीम एंग्है गने चॊंख़्र'उर र'अना चड्डे निमन हींड़नर अरा दुक्खे सारत'अनर अरा दोस ठेकाबाच बाच उर्मी रकम ही मल दौ कत्था कछनख्रनर ख़ने, धर्मेस निमन आसीस ननोस।
मूसस निमा गे नॆग चिच्चस, अन्नु हूँ निम्है नू नॆ हूँ नॆग लेक्खा मल ऎकदर। होले एन्देरगे एंगन पिटा बेद्ददर?”
अरा आर आसिन बाचर, “नीन गा कुन्द्रका तिम पपहा र'अदय। नीन एमन सिखाब'आ गे चिहुट नन्दय का?” अरा आर आसिन गोड़हा एड़पा ती ओथ्रर चिच्चर।
अक्कुन नीन निंगन यहूदी ब'अदय अरा धर्मेसी पॆसका ही मइय्याँ भरसा उइय्दय अरा धर्मेसी अरा निंग्है मझी ता नता ही पत्त नू फुलई मन्दय।
अरा एम्है ख़ेक्खा ती कोड़हे नलख नन्दम। आलर एमन हींड़नर ख़ने, ऎम आर गे आसीस चि'अदम। आर एमन सताब'अनर ख़ने, ऎम सहदम।
महले ख़लबर महले लोभिया महले उंखुर महले केबर'उर महले ठक'उर धर्मेसी राजी नू हिसा मल मनोर।
आस केबेर मोक्खस ती मल केप्पस, अरा दुक्खे चोद'अरकी नॆकन हूँ मल धिराब'आ लगियस। लिकिन आस गा तंगन मानी गने नेंवई ननू धर्मेसी ख़ेक्खा नू सोंपचस चिच्चस।