यॊहनस 9:24 - पुना गच्छरना NT (BSI)

²⁴ फेन आर अन्धहा रहचस आसिन दोसर खेप हूँ मीख़ियर ती बाचर, “धर्मेसी मुन्दहारे किरिया मॊख़ा का नीन मानिम ब'अदय। ऎम अख़दम का आस पपहा आलस।”

यॊहनस 9:24 ပူးပေါင်းရင်းမြစ်များ

मरकुस 15:27

आर आस गने ऎंड़ डाकू आलारिन, ओर्तोसिन आसी तीना अरा ओर्तोसिन डेब्‍बा चोक्‍ख क्रुस नू ठोकचर। [

लू‍कस 15:2

फरिसीर अरा नॆग सिखाब'उर, “ईस गा पपहा आलर गने भिड़ाब'अदस अरा आर ही गने ओन्‍दस मॊख़दस” ब'अरकी कुटमुटर'आ हेलरर।

लू‍कस 19:7

ख़ने ओर्मर इदन ईरियर ती टुरपुसर'आ हेलरर का ईस पपहस गुसन पाही कोरचस।

लू‍कस 7:39

येसुसिन मंडी ओना गे मीख़का आ फरिसीस तंग्‍है जिया नू सोच'आ हेलरस का, “ईस धर्मेसी कत्‍था तिंगुस रहचका होले अख़'ओस दने का आसिन ऎंसड़'आ लगी आद नॆ तंग्‍है अरा एकासे मुक्‍का हवे, अरा आद गा मलदौ आली हवे।”

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

यॊहनस 18:30

ख़ने आर आनाकिर्ताचर, “ईस गुन्‍हा नंजका आलस मल रहचका होले, निंग्‍है गुसन ईसिन मल ओन्‍द्र'ओम दने।”

यॊहनस 19:6

मुध नैगर अरा धर्मेसी मन्दिर ख़ापू सैनर आसिन ईरियर ख़ने, आर चिच्चियारनुम बाचर, “ईसिन क्रुस नू ठोक'आ, ईसिन क्रुस नू ठोक'आ।” ख़ने पिलातुस आरिन बाचस, “नीमिम ईसिन हो'आ ती क्रुस नू ठोक'आ। लिकिन ऎन गा ईसी मइय्याँ एन्‍द्रा हूँ बदी मल ख़क्‍खदन।”

यॊहनस 5:23

औंगे ओर्मा आलर एकासे धर्मे बंगासिन म‍ईन नन्‍नर‍, अन्नेम धर्मेसी ख़द्दस एंगन हूँ म‍ईन नना गे एन्ने नंजस। नॆ एंगन मईन मल नन्‍दस, आस एंगन त‍इय्‍का धर्मे बंगासिन हूँ म‍ईन मल नन्‍दस।

यॊहनस 8:46

ऎन पाप नंजकन एन्ने एंग्‍है म‍इय्याँ बदी नन्ना ती अदन पुरुब नना नीम ओंग्‍दर का? ऎन मानिम तेंगदन होले, नीम एन्‍देरगे एंगन मल पत्त'अदर?

यॊहनस 8:49

ख़ने येसुस बाचस, “ऎन नाद ती रस्‍का आलन मलदन। ऎन एम्‍बासिन म‍ईन नन्‍दन, लिकिन नीम एंगन हींड़दर।

यॊहनस 9:16

तहाँ फरिसीर ती जोक्‍कोर बाचर, “ईस धर्मेस तरती मलकस, एन्‍देरगेका ईस ख़न्‍न एख़ना उल्‍ला ही नॆगन मल मनदस।” लिकिन नन्नर बाचर, “ओर्त पपहा आलस एकासे एन्ने लेक्‍खा अजगुत नलख ही चिन्‍हन नना ओंग्‍दस?” ख़ने आर तम्‍है नू ख़ाड़रर केरर।

यॊहनस 9:25

ख़ने आस बाचस, “आस पपहा र'अस का मला, ऎन बलदन। ऎन ओन्‍टे लेका कत्‍थन अख़दन ऎन अन्धहा रहचकन अरा अक्‍कु ऎरा लगदन।”

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

दहदर मंजका कत्‍था 11:13

अरा आ बारिम ओन्टा कोहाँ ख़ॆख़ेल नुकुरना मंजा, अरा नगरे ही दस ती ओन भाग बिड़्रिया केरा। अरा आ ख़ॆख़ेल नुकुरना ती सात हजार आलर केच्‍चर केरर। अरा बछ्रका आलर इल्‍चियर केरर, अरा मेर्खा ता धर्मेसी महबा नंजर।