यॊहनस 9:22 - पुना गच्छरना NT (BSI)

²² आसी तंग्‍यो तम्‍बा यहूदी मुद्धारिन इल्‍चका ती एन्ने बाचर, ईगेका यहूदी मुद्धर ताम मुन्‍द तिम सलहा नंजका रहचर का नीकईम येसुसिन मसी ब'ओर होले, आरिन गोड़हा एड़पा ती ओथ्र'ओम चि'ओम।

यॊहनस 9:22 ပူးပေါင်းရင်းမြစ်များ

लू‍कस 6:22

मनवा ख़द्दस चड्डे आलर निमन छिंडोर अरा निमन अम्‍बोर चि'ओर अरा निमन हींड़'ओर अरा निम्‍है नामेन मलदौ ब'ओर ती खंडोर चि'ओर होले धर्मेस निम्हा ती खुसमार'ओस।

यॊहनस 1:19

येरुसलॆम ता यहूदीर नैगारिन अरा लेवी गोतोर ता आलारिन “नीन एका ओर्तय?” एन्ने मेना गे यॊहनस गुसन त‍इय्यर।

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

यॊहनस 19:38

इबड़ा ही ख़ॊख़ा अरिमतिया पद्दा ता यॊसॆफस येसुसी मॆदन हो'आ गे पिलातुस गुसन नॆचस। आस येसुसी चेला रहचस। यहूदीर ही इल्चका ती आस तंगन आसी चेलस एन्ने दहदर मल नंजकाचस। पिलातुस मॆदन हो'आ चिच्‍चस ख़ने, आस बरचस ती येसुसी मॆदन होच्‍चस केरस।

यॊहनस 20:19

अउलम हप्‍ता ही पहिल उल्‍ला बीड़ी पुतबारी, चेलर ख़ॊंड़रका रहचर। अरा यहूदी मुद्धर ही इल्‍चिक'आ ती आर बलिन मुच्‍चरर ती भितरी रहचर। येसुस बरचस ती आर ही मझी नू इज्‍जस, अरा चेलारिन बाचस, “निमा कोड़े मनन!”

यॊहनस 7:13

अन्नु हूँ यहूदी मुद्धर ही इलिच्‍क'आ ती नॆ हूँ आसी पत्त नू हरकट मल ब'आ लगियर।

यॊहनस 9:18

अन्नु हूँ यहूदी मुद्धर पत्त'आ पोल्‍ला लगियर का आस अन्धहा रहचस अरा अक्‍कु ऎरा ओंग्‍दस। औंगे आर आसी तंग्‍यो तम्‍बन मीख़ियर।

यॊहनस 9:21

लिकिन अक्‍कु ईस एकासे ऎरा ओंग्‍दस, अरा नॆ ईसी ख़न्‍नन कोड़े नंजा अदिन ऎम बलदम। आस चेटगर र'अस, आसिनिम मेना, आस तंग्‍है पत्त नू तेंगोस।”

यॊहनस 9:34

अरा आर आसिन बाचर, “नीन गा कुन्‍द्रका तिम पपहा र'अदय। नीन एमन सिखाब'आ गे चिहुट नन्‍दय का?” अरा आर आसिन गोड़हा एड़पा ती ओथ्रर चिच्‍चर।

यॊहनस 9:35

यहूदी मुद्धर आसिन गोड़हा एड़पा ती ओथ्रर चिच्‍चर एन्ने येसुस मेंजस। अरा येसुस आसिन ख़क्‍खियस ख़ने, आसिन बाचस, “नीन मनवा ख़द्दस मइय्याँ पत्त'अदय का?”

त‍इरकर 4:18

अबड़र पतरस अरा यॊहनसिन फिन मीख़ियर अरा आनियर का नीम आलारिन कहियों येसुसी नामे ती अमके ब'आ महले अमके सिखाब'आ।

त‍इरकर 5:13

नन्ना आलर नॆखा हूँ ‍आर ही गने मेसरा गे डिढ मल मना लगिया। अन्नु हूँ आलर आरिन नगदे म‍ईन नना लगियर।

त‍इरकर 5:40

आर आसी कत्‍थन इंझ्रर अरा त‍इरकारिन मीख़ियर अरा आरिन कोर्रा ती लौताचर। अरा आरिन चेताबाचर का नीम येसुसी नामे ती आलारिन अमके तेंगा ब'अरकी अम्‍बियर चिच्‍चर।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”