यॊहनस 9:16 - पुना गच्छरना NT (BSI)

¹⁶ तहाँ फरिसीर ती जोक्‍कोर बाचर, “ईस धर्मेस तरती मलकस, एन्‍देरगेका ईस ख़न्‍न एख़ना उल्‍ला ही नॆगन मल मनदस।” लिकिन नन्नर बाचर, “ओर्त पपहा आलस एकासे एन्ने लेक्‍खा अजगुत नलख ही चिन्‍हन नना ओंग्‍दस?” ख़ने आर तम्‍है नू ख़ाड़रर केरर।

यॊहनस 9:16 ပူးပေါင်းရင်းမြစ်များ

मत्तायोस 12:10

अइय्‍या ओन्‍टा आलस रहचस, आसी ख़ेक्खा ख़ैकी रहचा। जोक्को फरिसीर येसुस मइय्‍याँ बदी टिड़'आ गे आसिन मेंजर, “ख़न्न ऎख़ना उल्‍ला नू कोड़े नन्‍ना दौ र'ई का?”

मत्तायोस 12:2

फरिसीर इदिन ईरियर ती ब'आ हेलरर, “ऎरा, निंग्‍है चेलर एन्‍ने नलख ननालनर एकदा ख़न्न ऎख़ना उल्‍ला ही नॆग ही बिड़दो र'ई।”

लू‍कस 13:14

लिकिन गोड़हा एड़पा ता मुद्धस जंगारस केरस, एन्‍देरगेका येसुस ख़न्न ऎख़ना उल्‍ला नू उजगाचस। अरा आस आलारिन बाचस, “हपता नू नलख नना गे छै उल्‍ला र'ई, अबड़ा उल्‍ला नू बरा ती कोड़े नना, लिकिन ख़न्न ऎख़ना उल्‍ला नू मला।”

यॊहनस 10:19

येसुसी इबड़ा कत्‍था चड्डे यहूदीर नू फिन ख़ाड़रना मंजा।

यॊहनस 14:11

ऎन बंगस नू र'अदन, अरा बंगस एंग्‍है नू र'अदस, एन्ने ऎन ब'अदन ख़ने, नीम अदिन पत्त'आ, मला होले ऎन नंजका अजगुत नलख चड्डे अदिन पत्त'आ।

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 5:10

औंगे कोड़े मंजका आलासिन यहूदी मुद्धर बाचर, “इन्ना ख़न्‍न ऎख़्रना उल्‍ला, औंगे नॆग ही लेक्‍खा निंगा पिटरिन चॊदना ती काना ठौका मल्ली।”

यॊहनस 5:36

एंगा यॊहनसी गोवाह ती कोहाँ गोवाह एंग्‍है सिखाब'अना अरा एंग्‍है हैकट नलख हवे। धर्मे बंगस इबड़ा नलखन नन्ना ती मुंजा गे एंगा चिच्‍चस, अरा अबड़ा पुरुब नन्‍ती का आस एंगन त‍इय्कादस।

यॊहनस 6:52

तहाँ यहूदीर ताम तामिम अरबानख्र'आ हेलरर, “ई आलस तंग्‍है अहड़न एकासे नमा मॊख़ा गे चि'आ ओंग्‍दस।”

यॊहनस 7:12

अरा गोंहड़ा नू आलर ढ़ॆर कत्‍था आसी पत्त नू तम्‍है नू कले कले कछनख्र'आ लगियर। जोक्‍क आलर ब'आ लगियर, “आस दौ आलस”, लिकिन नन्नर ब'आ लगियर “मला, आस आलारिन भेंवाब'अदस।”

यॊहनस 7:23

मूसासी नॆगन मल चाड़ा गे नीम ख़न्‍न ऎख़्रना उल्‍ला नू हूँ ख़द्दासिन खतना नन्‍दर होले, ऎन ओर्तो आलासिन उर्मी मॆदन ख़न्न ऎख़्रना उल्‍ला नू कोड़े नंजकन ख़ने, नीम एंग्‍है गने एन्‍देरगे खींस मन्‍दर?

यॊहनस 7:43

ख़ने येसुसी चड्डे गोंहड़ा केरेंग कोटेंग मंजा।

यॊहनस 9:24

फेन आर अन्धहा रहचस आसिन दोसर खेप हूँ मीख़ियर ती बाचर, “धर्मेसी मुन्दहारे किरिया मॊख़ा का नीन मानिम ब'अदय। ऎम अख़दम का आस पपहा आलस।”

त‍इरकर 14:4

लिकिन नगरे ता आलर ख़ट्टरर केरर। जोक्‍क आलर यहूदीर तरा मंजर केरर अरा जोक्‍क आलर त‍इरकर तरा मंजर केरर।