यॊहनस 8:54 - पुना गच्छरना NT (BSI)

⁵⁴ येसुस आनाकिर्ताचस, “ऎन ऎनिम एंगन म‍ईन ननोन होले, एंग्‍है म‍ईन एन्‍देर हूँ मल्‍ली। लिकिन एंगन म‍ईन ननुस एम्‍बस हिकदस, अरा नीम ब'अदर आस निम्‍है धर्मेस।

यॊहनस 8:54 ပူးပေါင်းရင်းမြစ်များ

यॊहनस 17:1

इबड़ा कत्‍थन येसुस बाचस मुंजियस ती आस मेर्ख़ा तरा मॆन ईरिय‍स ती गोहरारस, “अना एंग्‍है बंगायो, बेड़ा अंड़सकी र'ई, निंग्‍दस एंग्‍है महबन नीन आलर गे दहदर नना, का ऎन आलर गे निंग्‍है महबन ऎद'आ ओंग्दन।

यॊहनस 17:5

अरा अना एंग्‍है बंगायो, ख़ॆख़ेल ही मन्‍ना ती मुन्‍द निंग्‍है गने एंगा गे रहचका महबा ती अक्‍कु निंग्‍है मुन्दहारे एंगन महबा नना।

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 5:41

ऎन आलर ती बरना ओहमन मल बेद्ददन।

यॊहनस 7:18

नॆ तंग्‍है तरती ब'अदस आस तंगा गे मईन बेद्ददस। लिकिन नॆ तंग्‍है त‍इय्युस गे मईन बेद्ददस, आस मानिम जॊगे आलस र'अस, अरा आस नू फंगटिया कत्‍था मलकी।

यॊहनस 7:39

तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

यॊहनस 8:41

नीम निम्‍है निम्‍बस नंजका नलखन दिम नना लगदर।” ख़ने आर येसुसिन बाचर, “ऎम नन्‍ना आली गुसन काना ही पाप ती कुन्‍द्रका ख़द्दम मलदम। एम्‍है ओर्तेलेका एम्‍बस र'अस आस धर्मेस।”

यॊहनस 8:50

ऎन एंगा गे म‍ईन मल बेद्ददन, लिकिन एंगा गे अदन बिद्दू ओर्तोस र'अस, आसिम नेंवई ननू र'अदस।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

2 कोरिन्‍थ 10:18

एन्देरगेका नॆ तान तंगन ओहमा नन्दस आस मला, उर्बस ती ओहमा ख़क्खोस आस दिम इंझ्रतारदस।

1 पतरस 1:12

आर गे तेंगतारा केरा का इबड़ा कत्था गुट्ठी तम्है उज्जना बेड़ा नू मल मनो, लिकिन बग्गे चाँन ही ख़ॊख़ा निम्है बेड़ा नू मनो। अरा मेर्ख़ा ती तइरका नेम्हा बॊलतासी सवंग ती निमा गे दौ कत्था तिंगुर ती अक्कुन ई दौ कत्था मेन्तारकी र'ई। ईद कोड़हे बॆस हवे का मेर्ख़ा पैकर हूँ इबड़ा कत्‍था गुट्ठी मन्नन ऎरा गे चिबाख़ारनर।

1 पतरस 1:21

आस ती दिम नीम अक्‍कु धर्मेसिन पत्त'अदर। धर्मेस दिम आसिन केचका ती उज्जताचस ती आस गे महबा चिच्चस। औंगे निम्‍है पत्त'अना अरा असरा धर्मेस मइय्याँ र'ई।

2 पतरस 1:17

“ईद एंग्है चोन्हा ख़द्दस, ईस ती ऎन खुसमारदन” एन्ने मसीस गे धर्मेसी कोहाँ बिल्चना महबा ती ओन्टा ब'अना मेन्द्रा ख़ने, आस धर्मे बंगस ती मईन अरा महबन ख़क्खियस।