यॊहनस 8:53 - पुना गच्छरना NT (BSI)

⁵³ नीन एम्‍है बंगस अब्राहमस ती कोहँस हिकदय का? आस केच्‍चस, अन्नेम धर्मेसी कत्‍था तिंगुर हूँ केच्‍चर। नीन निंगन नॆ सोचदय?”

यॊहनस 8:53 ပူးပေါင်းရင်းမြစ်များ

मत्तायोस 12:6

लिकिन ऎन निमन ब'अदन, एकास इसन र'अदस आस धर्मेसी मन्दिर ती हूँ कोहाँ र'अदस।

मत्तायोस 3:9

नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस।

यॊहनस 10:33

ख़ने यहूदीर आसिन बाचर, “ऎम निंगन निंग्‍है इन्द्रिइम अजगुत नलख गे लोड़ग'आ पिटा मल बेद्ददम। नीन धर्मेसी निंदा नन्‍दय, नीन गा आलय हिकदय, अन्‍नु हूँ निंगन धर्मे ब'अदय, अदगे ऎम निंगन लोड़ग'आ पिटा बेद्ददम।”

यॊहनस 12:34

तहाँ असन ख़ॊंड़रका आलर आसिन बाचर, “ऎम नॆग ती मेंजकादम का मसीस सगरो उज्‍जोस। अन्ने र'ई होले नीन एकासे ब'आ ओंग्‍दय का ‘मनवा ख़द्दासिन म‍इय्याँ चॊदतारना ही चाड़ ‍र'ई?’ ई मनवा ख़द्दस एका ओर्तस?”

यॊहनस 19:7

ख़ने यहूदीर आसिन आनाकिर्ताचर, “एमा गे नॆग र'ई, अरा आ नॆग ही लेक्‍खा ईस पिटना जॊगे र'अस, एन्‍देरगेका ईस तंगन धर्मेसी ख़द्दस ब'अदस।”

यॊहनस 4:12

नीन एम्‍है पूरखस याकॊबस ती हूँ कोहँस हिकदय का? आस एमा गे ई तूसन चिच्कादस। आस तान अरा तंग्‍है ख़द्दर अरा ऒय ऎड़ा गुट्ठी इय्या ती ओन्डर।”

यॊहनस 5:18

औंगे यहूदीर आसिन पिटा गे अउर कोड़हे बेद्दा लगियर का आस ख़न्‍न ऎख़ना उल्‍ला ही नॆगन लेका मल चाड़ा लगियस, लिकिन धर्मेसिन तंग्‍है बंगस ब'आलियस ती तंगन धर्मेसी जोक्‍खा ननालियस।

यॊहनस 8:58

येसुस बाचस, “ऎन निमन मानिम ब'अदन, अब्राहमस कुन्‍द्रस ती मुन्‍द तिम ऎन र'अदन।”

रोमी 9:5

आर अब्राहमस, इसाक, याकॊबसी जंईपुंई हिकनर, अरा आर ही बनस ती दिम कया नू मसीस हूँ कुन्‍द्रस। ईस दिम उर्मी ती कोहाँ धर्मेस, ईसी दिम हुल्‍लो ती हुल्‍लो गूटी ओहमा मनन। आमेन।