यॊहनस 8:47 - पुना गच्छरना NT (BSI)

⁴⁷ एकास धर्मेसी आलस र'अदस, आस धर्मेसी कत्‍थन मेन्‍दस। नीम इदगे मल मेन्‍दर का नीम धर्मेसी आलर मलदर।”

यॊहनस 8:47 ပူးပေါင်းရင်းမြစ်များ

यॊहनस 12:48

नॆ एंगन ख़ाँड़ना ती एंग्‍है कत्‍था गुट्ठिन मल इंझ्रदस, आस गे ओन्टा नेंव‍ई ननुस र'अस। ऎन बाचका ई कत्‍था दिम छेद्दे उल्‍ला नू आसिन नेंव‍ई ननो।

यॊहनस 18:37

ख़ने पिलातुस बाचस, “होले नीन बॆलय का?” येसुस आनाकिर्ताचस, “नीन ब'अदय का ऎन बॆलन। मानिमन आलर गे तेंगा गे ऎन कुन्‍द्रकन अरा ख़ॆख़ेल नू बरचकन, एका ओर्तस मानिम गे र'अदस, आस एंग्‍है मेन्‍दस।”

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

यॊहनस 6:65

फेन येसुस बाचस, “इदगेम ऎन निमन बाचकन का, बंगस ओर्तोसिन एंग्‍है गुसन बर'आ गे मल चि'अदस होले, नॆ हूँ एंग्‍है गुसन बर'आ पोल्‍लनर।”

यॊहनस 8:37

ऎन अख़दन का नीम अब्राहमसी बनस हिकदर, अन्नु हूँ नीम एंगन पिटा गे बेद्ददर, एन्‍देरगेका नीम एंग्‍है सिखाब'अनन मल इंझ्रदर।

यॊहनस 8:43

ऎन एन्‍देर ब'अदन अदिन नीम एन्‍देरगे बुझुर'आ पोलदर? ईद ई चड्डे का एंग्‍है सिखाब'अनन नीम मल इंझ्रदर।

यॊहनस 8:45

औंगे ऎन मानिमन ब'अना चड्डे, नीम एंगन मल पत्त'अदर।

1 यॊहन 3:10

इत्रु ती नाम ब'आ ओंग्दत का नॆ धर्मेसी ख़द्दर अरा नॆ नाद ही ख़द्दर। एका ओर्तस उजगो नलख गुट्ठिन मल नन्दस, अरा तंग्है संगे मसी भईस गने चोन्हा मल नन्दस, आस धर्मेसी ख़द्द मलदस।

1 यॊहन 5:1

एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।

2 यॊहन 1:9

एकास मसीसी सिखाब'अना नू बन्चका मल रहचका ती अइय्या ती चाड़दस, आस गे धर्मेस गने नता मल र'ई। लिकिन एकास मसीसी सिखाब'अना नू बन्चका र'अस, आस गे धर्मे बंगस अरा ख़द्दस इरबर ही गने नता र'ई।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।