यॊहनस 8:46 - पुना गच्छरना NT (BSI)

⁴⁶ ऎन पाप नंजकन एन्ने एंग्‍है म‍इय्याँ बदी नन्ना ती अदन पुरुब नना नीम ओंग्‍दर का? ऎन मानिम तेंगदन होले, नीम एन्‍देरगे एंगन मल पत्त'अदर?

यॊहनस 8:46 ပူးပေါင်းရင်းမြစ်များ

मत्तायोस 21:25

यॊहनस गे नॊड़रत'अना ही आकुस धर्मेस चिच्‍चस का आलर चिच्‍चर? अदिन एंगन तेंगा।” ख़ने आर ताम तामिम कछनख्रर ती बाचर, “नाम धर्मेस आकुस चिच्‍चस ब'ओत होले, आस नमन ब'ओस, ‘अन्नु हूँ नीम एन्‍देरगे यॊहनसिन मल पत्ताचकर?’

मरकुस 11:31

आर ई पत्त नू ताम तामिम कछनख्रर। आर बाचर, “नाम धर्मेस आकुस चिच्‍चस अन्नेम ब'ओत होले, आस ब'ओस अन्नु हूँ नीम एन्‍देरगे यॊहनसिन मल पत्ताचकर।

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 15:10

ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

यॊहनस 16:8

अरा सालत'उस बरदस ख़ने, आस ख़ॆख़लन पाप ही पत्त नू अरा उजगो र'अना ही पत्त नू अरा नेंवई ही पत्त नू तेंगोस, अरा ऎद'ओस का आर इबड़ा पत्त नू एकासे ठउकम मल बुझ्रकर।

यॊहनस 18:37

ख़ने पिलातुस बाचस, “होले नीन बॆलय का?” येसुस आनाकिर्ताचस, “नीन ब'अदय का ऎन बॆलन। मानिमन आलर गे तेंगा गे ऎन कुन्‍द्रकन अरा ख़ॆख़ेल नू बरचकन, एका ओर्तस मानिम गे र'अदस, आस एंग्‍है मेन्‍दस।”

यॊहनस 8:47

एकास धर्मेसी आलस र'अदस, आस धर्मेसी कत्‍थन मेन्‍दस। नीम इदगे मल मेन्‍दर का नीम धर्मेसी आलर मलदर।”

यॊहनस 8:7

अरा आर आसिन मेन्ना बारी रहचर ख़ने, आस चॊचस ती बाचस, “निम्‍है नू नॆ पाप मल्‍ला नंजका आर मुन्‍द लोड़ग'आ।”

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

इब्रानी 4:15

नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

1 पतरस 2:22

आस पाप मल नंजस अरा आस इकला हूँ मल ठगचस।