यॊहनस 8:44 - पुना गच्छरना NT (BSI)

⁴⁴ नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

यॊहनस 8:44 ပူးပေါင်းရင်းမြစ်များ

मत्तायोस 12:34

अना नेर्र लेक्‍खा बिक्‍ख उइय्‍यु आलारो! नीम मलदौ मनरकी एकासे दौ कत्‍था ब'आ ओंग्‍दर? एन्‍देरगेका एन्‍द्रा जिया नू निन्‍दकी र'ई आदिम ब‍ई ती उरखी।

मत्तायोस 13:15

एन्‍देरगेका ईर ही जिया दड़िया मंजकी र'ई, अरा आर ख़ेबदा ती कोड़हे मल मेन्नर, अरा आर तम्‍है ख़न्नन मिंक्‍खका चिच्कानर। अन्‍ति कहियों एन्ने अम्‍बन मना का ख़न्न ती ऎरोर, अरा ख़ेबदा ती मेनोर, अरा जिया ती बुझ्र'ओर, अरा आर एंग्‍है गुसन किर्रोर, अरा ऎन आरिन कोड़े ननोन।’

मत्तायोस 13:38

ख़ल्‍ल ख़ॆख़ेल हवे, दौ बिहनी धर्मेसी राजी ही आलर हिकनर, अरा लट्टी सैतान ही आलर हिकनर।

यॊहनस 6:70

फेन येसुस आरिन बाचस, “ऎन नीम बरियोरिन चज्‍जिकन, अन्नु हूँ निम्‍है ती ओर्तोस मलदौ आलस हिकदस।”

यॊहनस 7:17

नेक‍ईम धर्मेसी मनेन नना बेद्ददस होले, आस ई सिखाब'अना ही पत्त नू अख़'ओस का ईद धर्मेस तरती र'ई का महले ऎन एंग्‍है ती ब'अदन।

यॊहनस 8:38

ऎन एम्‍बस गुसन रहचकन ख़ने, एन्‍दरन ऎन ईरकादन, अबड़न ऎन निमा तेंगदन। नीम निम्‍बस ती एन्‍दरन मेंजकादर अदिन नन्‍दर।”

यॊहनस 8:41

नीम निम्‍है निम्‍बस नंजका नलखन दिम नना लगदर।” ख़ने आर येसुसिन बाचर, “ऎम नन्‍ना आली गुसन काना ही पाप ती कुन्‍द्रका ख़द्दम मलदम। एम्‍है ओर्तेलेका एम्‍बस र'अस आस धर्मेस।”

यॊहनस 8:55

अरा नीम आसिन मानिम नू बलकर, लिकिन ऎन आसिन अख़दन। अन्नु हूँ ऎन आसिन बलदन ब'ओन होले, ऎन हूँ निम्‍है लेक्‍खा ठकवा मनोन। लिकिन ऎन आसिन अख़दन, अरा आसी कत्‍थन पॆस्रदन।

त‍इरकर 13:10

अरा बाचस, “नीन नाद ही ख़द्दय, अरा नीन चतरा अरा कटरहा ती निन्‍दका र'अदय, अरा उर्मी रकम ही दौ नलख ही बैरी हिकदय, अरा नीन उर्मी बारी उर्बासी उजगो डहरे गुट्ठिन बगड़'आ गे चिहुट नन्‍दय।

त‍इरकर 24:9

यहूदीर हूँ गुन्‍हा ठेकाब'अना नू आसी गने मेस्र'अरकी इबड़ा कत्‍था मानिम बाचर।

त‍इरकर 5:3

तहाँ पतरस बाचस, “हनानिया, सैतान एन्‍देरगे निंग्‍है जिया नू नेम्‍हा बॊलतासिन ठक'आ गे अरा ख़ल्‍ल ही दाम ही ओन हींसन निंगा गे उइय्या गे आकुस नंजा?

2 कोरिन्‍थ 11:3

लिकिन ऎन एल्‍चदन का एकासे नेर्रद तंग्‍है चतरा ती हवा आबोन भुरियाचा, अन्नेम निम्‍है जिया नू मसीस गे र'अना मानिमन ती अरा मानिम भगती ती नीम बेहड़ार'ओर दने।

1 पतरस 5:8

चिहुंक र'आ, अरा एज्रका र'आ। निम्है कोहाँ बैरी नाद मुर्ना लकड़ा लेक्खा इदिन बेद्दा कुद्दी का नॆकन चर्रोन मॊख़ोन।

2 पतरस 2:4

एकाबारी मेर्ख़ा पैकर पाप नंजर ख़ने, धर्मेस आरिन हूँ मल अम्बियस, लिकिन नरक नू हेबड़ियस ती ख़ोड़ख़ा ऊख़ा गड़डी नू रायबड़ी उल्ला गे सिकड़ी ती हॆंचका उइय्कादस।

1 यॊहन 1:8

नम्है नू पाप मलकी ब'अदत होले, नाम नमानिम ठकदत, अरा नाम मानी लगे मल उज्जालदत।

1 यॊहन 2:21

नीम मानी आबोन बलना ती मला, नीम मानी आबोन अख़ना ती, अरा एकअम ठकना मानी तरती मल बर'ई इदन नीम अख़ना ती दिम ऎन इदन निमा गे लिखदन।

1 यॊहन 2:4

एकअम ओर्तस ब'अदस का, “धर्मेसिन ऎन अख़दन,” लिकिन आस धर्मेसी पॆसका गुट्ठिन मल पॆस्रदस होले, आस ठक'उस र'अदस, अरा आस मानी लगे मल उज्जदस।

1 यॊहन 3:12

कैनस लेक्खा नाम अम्बोत मना। आस मलदौ आबोन नन्त'उस सैतान ही रहचस, अरा तंग्ड़िस हाबेलसिन पिटियस। अरा आस आसिन एन्देर चड्डे पिटियस? एन्देरगेका आसी नलख गुट्ठी मलदौ रहचा अरा तंग्ड़िसी नलख गुट्ठी गा धर्मेसी ऎरना नू उजगो रहचा।

1 यॊहन 3:15

एका ओर्तस तंग्है संगे मसी भईसिन ख़ाँड़दस, आस आल पिटुस हिकदस। अरा नीम अख़दर का आल पिटुर नू जनमजुग उज्जना मल र'ई।

यहूदा 1:6

अउर हूँ धर्मेस तमा गे चिच्का अदिया नू बन्चका मल र'अरकी तम्है अड्डन अम्बका चिच्का मेर्ख़ा पैकारिन सुरता नना। धर्मेस आरिन आ कोड़हे रायबड़ी उल्ला नू नेंवई नना गे ऊख़ा नू नॆ हूँ ख़च्चा पोलना सिकड़ी ती हॆंचका उइय्का र'अदस।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 13:14

अरा ईद मुन्द ता मेक्खो ही मुन्दहारे ई अजगुत नलख गुट्ठिन नना गे तंगा चीरका अदिया ती ख़ॆख़ेल नू ओक्रना आलारिन ठकचा। अरा ईद तलवार ती जखम ख़क्खका ती अक्कु गूटी उज्जना आ मुन्द ता मेक्खो गे ओन्टा मूर्ती कम'आ गे ख़ॆख़ेल नू ओक्रना आलारिन आनिया।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।

दहदर मंजका कत्‍था 9:11

भयभयान ख़ोड़ख़ा गड्डी ही मेर्ख़ा पैकस दिम अबड़ा ही मइय्याँ बॆलस रहचस। आसी नामे इब्रानी भखा नू अबद्दॊन अरा युनानी भखा नू अप्‍पोल्लयॊन हवे।