यॊहनस 8:43 - पुना गच्छरना NT (BSI)

⁴³ ऎन एन्‍देर ब'अदन अदिन नीम एन्‍देरगे बुझुर'आ पोलदर? ईद ई चड्डे का एंग्‍है सिखाब'अनन नीम मल इंझ्रदर।

यॊहनस 8:43 ပူးပေါင်းရင်းမြစ်များ

मत्तायोस 13:15

एन्‍देरगेका ईर ही जिया दड़िया मंजकी र'ई, अरा आर ख़ेबदा ती कोड़हे मल मेन्नर, अरा आर तम्‍है ख़न्नन मिंक्‍खका चिच्कानर। अन्‍ति कहियों एन्ने अम्‍बन मना का ख़न्न ती ऎरोर, अरा ख़ेबदा ती मेनोर, अरा जिया ती बुझ्र'ओर, अरा आर एंग्‍है गुसन किर्रोर, अरा ऎन आरिन कोड़े ननोन।’

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

यॊहनस 5:43

ऎन एम्‍बासी नामे ती बरचकादन, लिकिन नीम एंगन मल इंझ्रदर। नन्नस ओर्तस तंग्‍है नामे ती बरदस होले, आसिन नीम इंझर'ओर।

यॊहनस 6:60

इदन मेंजर ती आसी बग्‍गे चेलर बाचर, “ई सिखाब'अना बुझुर'आ गे नगदे मसकिल र'ई, एकासे ओर्तस इदन इंझ्र'आ ओंग्‍दस?”

यॊहनस 7:17

नेक‍ईम धर्मेसी मनेन नना बेद्ददस होले, आस ई सिखाब'अना ही पत्त नू अख़'ओस का ईद धर्मेस तरती र'ई का महले ऎन एंग्‍है ती ब'अदन।

यॊहनस 8:27

तम्‍है बंगासी पत्त नू दिम आस तेंगा लगदस, एन्ने आर मल बुझ्रर।

यॊहनस 8:33

ख़ने आर आसिन बाचर, “ऎम अब्राहमसी बनस ता हिकदम, ऎम इकला हूँ नॆख'आ हूँ बिट्ठी ननू जॊंख़ मल रहचकम। अन्ने होले ऎम छछिन्‍द मनोम एन्ने नीन एकासे ब'आ ओंग्‍दय?”

यॊहनस 8:39

ख़ने आर बाचर, “अब्राहमस दिम एम्‍बस।” येसुस गा आरिन बाचस, “नीम मानिम नू अब्राहमसी ख़द्दर र'अदर होले, अब्राहमस एन्‍देर एन्‍देर नलख नंजस आ नलख गुट्ठिन ननोर दने।

त‍इरकर 7:51

अना ऒड़ मल लग्‍गू आलारो! नीम निम्‍है जियन धर्मेस गे मल चिचकर महले आसिन मल मेनदर, अरा सगरो नेम्‍हा बॊलतासी बिड़दो नन्दर, एकासे निम्‍है पूरखर नंजर अन्नेम नीम हूँ नन्‍दर।

रोमी 3:11

नॆ हूँ धर्मेसी पत्त नू बुझ्र'ऊ मल्‍ला, नॆ हूँ धर्मेसिन बिद्दू मलनर।