यॊहनस 8:42 - पुना गच्छरना NT (BSI)

⁴² ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

यॊहनस 8:42 ပူးပေါင်းရင်းမြစ်များ

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 12:49

एन्‍देरगेका ऎन एंग्‍है तरती मल कछनख्रदन। लिकिन एंगन तइय्‍का बंगस दिम एंगन पॆसस, एन्‍देर एन्‍देर ब'अना र'ई अरा अदन एकासे नन्ना र'ई।

यॊहनस 13:3

येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।

यॊहनस 14:10

एन्‍देर नीन मल पत्त'अदय का ऎन बंगस नू र'अदन अरा बंगस एंग्‍है नू र'अस? ऎन एकदन निमन ब'अदन आद एंग्‍है मल्‍ली, अबड़ा एम्‍बासी कत्‍था हवे। आस एंग्‍है नू र'अ‍स ती आसिम तंग्‍है नलखन नन्‍दस।

यॊहनस 16:30

अक्‍कु ऎम अख़दम का नीन उर्मिन अख़दय, नॆ हूँ निंगन मेना गे चाड़ मल्‍ला। इत्रु ती ऎम पत्त'अदम का नीन धर्मेस ती उरखकय बरचकादय।”

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 5:23

औंगे ओर्मा आलर एकासे धर्मे बंगासिन म‍ईन नन्‍नर‍, अन्नेम धर्मेसी ख़द्दस एंगन हूँ म‍ईन नना गे एन्ने नंजस। नॆ एंगन मईन मल नन्‍दस, आस एंगन त‍इय्‍का धर्मे बंगासिन हूँ म‍ईन मल नन्‍दस।

यॊहनस 5:43

ऎन एम्‍बासी नामे ती बरचकादन, लिकिन नीम एंगन मल इंझ्रदर। नन्नस ओर्तस तंग्‍है नामे ती बरदस होले, आसिन नीम इंझर'ओर।

यॊहनस 8:14

ख़ने येसुस आरिन बाचस, “ऎन ऎनिम एंग्‍है पत्त नू गोवाह चिच्‍चकन, अन्नु हूँ एंग्‍है गोवाह मानिम र'ई, एन्‍देरगेका ऎन एस्‍ते बरचकन‍ अरा एसन कादन ऎन अदिन अख़दन। लिकिन नीम बलदर का ऎन एस्‍ते बरचकन महले एसन कादन।

1 कोरिन्‍थ 16:22

नेक‍ईम उर्बासिन चोन्‍हा मल नन्‍दस होले, धर्मेस आस गे दंडे चि'अदस नेकअन। एम्‍है उर्बायो बरा।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

दहदर मंजका कत्‍था 22:1

इदही ख़ॊख़ा आ मेर्ख़ा पैकस एंगन बिल्‍लोर लेक्‍खा झलकारना उज्‍जना ही अम्मु ही ख़ाड़न ऎदस। आद धर्मेस अरा भेंडो ख़द्दासी बॆल-गदिया ती बाह'ई।