यॊहनस 8:38 - पुना गच्छरना NT (BSI)

³⁸ ऎन एम्‍बस गुसन रहचकन ख़ने, एन्‍दरन ऎन ईरकादन, अबड़न ऎन निमा तेंगदन। नीम निम्‍बस ती एन्‍दरन मेंजकादर अदिन नन्‍दर।”

यॊहनस 8:38 ပူးပေါင်းရင်းမြစ်များ

मत्तायोस 3:7

यॊहनस बग्‍गे फरिसीर अरा सदुकीरिन नॊड़र'आ गे तंग्‍हा हेद्दे बरनन ईरीयस ती आरिन बाचस, “अना बिक्‍ख नेर्रे बेसे आलारो, पाप नन्नन बिगर अम्‍बका ‍ती धर्मेसी बरना दंडे ती बोंगा गे निमन निक‍ईम चेता बाचर का?

यॊहनस 14:10

एन्‍देर नीन मल पत्त'अदय का ऎन बंगस नू र'अदन अरा बंगस एंग्‍है नू र'अस? ऎन एकदन निमन ब'अदन आद एंग्‍है मल्‍ली, अबड़ा एम्‍बासी कत्‍था हवे। आस एंग्‍है नू र'अ‍स ती आसिम तंग्‍है नलखन नन्‍दस।

यॊहनस 14:24

अरा नॆ एंगन चोन्‍हा मल नन्‍दस, आस एंग्‍है सिखाब'अनन मल मन'ओस। अरा एका कत्‍था गुट्ठिन नीम मेन्‍दर, अबड़ा एंग्‍है कत्‍था मल्‍ली, अबड़ा एंगन त‍इय्‍का बंगासी हवे।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 3:32

आस एन्‍द्रन ईरकादस अरा मेंजकादस अदही पत्त नू गोवाह चि'अदस। लिकिन आसी गोवाह आबोन नॆ हूँ मल पत्त'अनर।

यॊहनस 5:19

औंगे येसुस आरिन इदन फरीफरी तिंगियस, “ऎन निमन मानिम ब'अदन, ऎन धर्मेसी ख़द्दन एंग्‍है मने लेक्‍खा एन्‍द्रा हूँ नना पोलदन। एन्‍द्रन एम्‍बासी नन्नन ऎन ऎरदन अदिन लेका ऎन नन्‍दन। एन्‍द्रन एन्‍द्रन एम्‍बस नन्‍दस अदिन ऎन हूँ अन्नेम नन्‍दन।

यॊहनस 5:30

ऎन एंग्‍है मने लेक्‍खा एन्‍देर हूँ नना पोलदन। धर्मे बंगस ब'अना लेक्‍खम दिम ऎन नेंव‍ई नन्दन। अरा एंग्‍है नेंवई नन्‍ना उजगो र'ई, एन्‍देरगेका ऎन एंगा पत्तार'आ गे मला, एंगन त‍इय्‍का एम्‍बासिन पत्तार'आ गे बेद्ददन।

यॊहनस 8:26

ऎन निम्‍है पत्त नू तेंगा गे अरा नेंव‍ई नना गे ढ़ॆर कत्‍था र'ई। एंगन तइय्युस मानिम र'अदस, आस गुसते ऎन एन्‍द्रन मेंजकन अबड़ा कत्‍थन लेका ख़ॆख़ेल नू तेंगदन।”

यॊहनस 8:41

नीम निम्‍है निम्‍बस नंजका नलखन दिम नना लगदर।” ख़ने आर येसुसिन बाचर, “ऎम नन्‍ना आली गुसन काना ही पाप ती कुन्‍द्रका ख़द्दम मलदम। एम्‍है ओर्तेलेका एम्‍बस र'अस आस धर्मेस।”

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।