यॊहनस 8:34 - पुना गच्छरना NT (BSI)

³⁴ ख़ने येसुस आरिन बाचस, “ऎन निमन मानिमन ब'अदन, नॆ पाप नन्‍नर आर पाप ही जॊंख़ र'अनर।

यॊहनस 8:34 ပူးပေါင်းရင်းမြစ်များ

मत्तायोस 5:18

ऎन निमन मानिमन ब'अदन, मेर्ख़ा दरा ख़ॆख़ेल टाड़र'ओ क'ओ, लिकिन धर्मेसी नॆग नू एन्‍देर लिख्रकी र'ई अदही बिगर मंजका ओन्‍टा अक्‍छर महले ओन कड़ी हूँ मल मुंज्र'ओ।

यॊहनस 3:3

येसुस आसिन आनाकिर्ताचस, “ऎन निंगन मानिमन ब'अदन, नीकईम अउरिम मल कुन्‍द्रदस, आस धर्मेस तंग्‍है उज्‍जना नू राजी नन्नन अनुभव मल ननोस।”

त‍इरकर 8:23

ऎन ऎरदन का नीन इस्गहा ती निन्‍द्रका र'अदय अरा नीन पाप ही आकुस नू र'अदय।”

रोमी 6:12

औंगे नीम निम्‍है नठारना मॆद नू पापन राजी नना अमके चि'आ अरा अदही चिबाख़ारना ही तबे नू अमके मना।

रोमी 6:16

नीम मानिम अख़दर का नीम निमन एका ओर्तस गे मन'आ गे बिट्ठी ननू जॊंख़स बेसे चि'अदर होले मानिम नीम आ आलासी बिट्ठी ननू जॊंख़ र'अदर। अन्ने नीम पाप गे बिट्ठी ननू जॊंख़ र'अदर होले, अदही बनी खे'अना र'ई मलता नीम धर्मेसिन मनदर होले आद निमन उजगो कम'ई।

रोमी 6:6

नाम अख़दत का नम्‍है पच्चा आल सुबहा मसीस गने क्रुस नू केच्‍चा। ख़ने नम्‍है पाप सुबहा नम्‍है म‍इय्याँ राजी पुल्‍ली नना अरा नाम इकला हूँ पाप ही जॊंख़ मल मनोत।

रोमी 7:14

नाम अख़दत का नॆग धर्मेसी बॊलता ती बर'ई। लिकिन ऎन गा मॆद सुबहा आल हिकदन, पाप गे बिट्ठी ननू जॊंख़ बेसे बीसरका र'अदन।

रोमी 7:25

धर्मेस दिम नम्‍है उर्बस येसु मसीस ती नाड़ोस। ऎन धर्मेस गे धन्‍यवाद चि'अदन। ख़ने एंग्‍हा जिया नू ऎन धर्मेसी नॆग ही जॊख़ र'अदन, लिकिन एंग्है मॆद सुबहा ती ऎन पाप ही नॆग ही जॊंख़ हिकदन।

रोमी 8:21

इबड़ा गढ़र्रका ओर्मा एकदा नठारनन ओन्‍द्र'ई अदही तबे ती नाड़र'ओ ती धर्मेसी ख़द्दर ही ख़क्ख्र'ऊ म‍ईन नू मेस्र'ओ।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

2 पतरस 2:19

ईर आर गे ओन्टा छछिन्द उज्जनन गच्छरनर, लिकिन तामिम सोतबोड़'आ उज्जना गे जॊंख़ र'अनर। एन्देरगेका एकास एका मलदौ ती पोलदस चाड़ा, आस अदही जॊंख मनदस कादस।