यॊहनस 8:32 - पुना गच्छरना NT (BSI)

³² अरा नीम मानिमन अख़'ओर, अरा मानिम आबो निमन छछिन्‍द ननो।”

यॊहनस 8:32 ပူးပေါင်းရင်းမြစ်များ

मत्तायोस 11:29

एंग्‍है पगसिन नीम चेड़'आ अरा एंग्‍है ती सिख्र'आ, एन्‍देरगेका ऎन नर्मियाँ अरा जिया ती लुदऊ र'अदन, औंगे नीम निम्‍है जिया नू ख़न्‍न ऎख़्र'ओर।

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:17

एन्‍देरगेका धर्मेसी पॆसका मूसस ती चीतारा, लिकिन मया अरा मानिम येसु मसीस ती बरचा।

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

यॊहनस 16:13

लिकिन मानिमन दहदर ननू नेम्‍हा बॊलतस बरदस ख़ने, आस निमन उर्मी मानिमन दहदर ननोस। आस गा तंग्‍है ती मल ब'ओस, लिकिन एकदन आस मेनोस अदिन दिम ब'ओस, अरा आस बरना कत्‍थन निमन तेंगोस चि'ओस।

यॊहनस 17:17

नीन आरिन निंग्‍है मानी ती निमा गे नेम्‍हा कम'आ, निंग्‍है कत्‍था दिम मानिम हवे।

यॊहनस 6:45

धर्मेसी कत्था तिंगुर ती नेम्‍हा पुथी नू लिख्रकी र'ई, ‘आर ओर्मर धर्मेस ती सिखाबाचका र'ओर।’ अन्नेम नॆ बंगासिन में‍जका ती आस ती सिख्रर, आर ओर्मर एंग्‍है गुसन बर'ओर।

यॊहनस 7:17

नेक‍ईम धर्मेसी मनेन नना बेद्ददस होले, आस ई सिखाब'अना ही पत्त नू अख़'ओस का ईद धर्मेस तरती र'ई का महले ऎन एंग्‍है ती ब'अदन।

यॊहनस 8:36

औंगे ऎन ख़द्दन निमन छछिन्‍द नन्‍दन होले, नीम मानिम नू छछिन्‍द मनोर।

रोमी 6:22

लिकिन अक्‍कु नीम पाप ही सवंग ती अम्‍बरकर ती धर्मेसी बिट्ठी ननू जॊंख़र मंजका र'अदर। ईद निमन नेम्‍हा उज्‍जा गे कड़हाब'ई। एकदा ही ख़ंजपा र'ई जनमजुग ही उज्‍जना।

रोमी 8:15

निमा जॊंख़ मंज ख़च्‍चना ही बॊलता मल्‍ला ख़क्ख्रका का अन्‍ति नीम अत्रु मुन्‍द लेक्‍खा एल्‍चोर। लिकिन नीम धर्मेसी बॊलतन ख़क्‍खकर इकला आस निमन तंग्‍है ख़द्द-ख़र्रा बेसे गढ़चस। अक्‍कु नाम आसिन “अना बबा, अना बंग” ब'अदत।

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

1 कोरिन्‍थ 7:22

एन्‍देरगेका ओर्तस उर्बासी मॆख़ना बेड़ा नू बिट्ठी ननू जॊंख़ रहचस होले, आस उर्बस नू छछिन्‍द आल मन्‍दस। अन्नेम ओर्तस उर्बासी मॆख़ना बेड़ा नू छछिन्‍द रहचस होले, आस मसीसी बिट्ठी ननू जॊंख़ मन्‍दस।

गलातिया 5:1

नाम छछिन्‍द र'अदत अदगे मसीस नमन छछिन्‍द नंजस। औंगे नमा बड़ियर मनरकी र'अना र'ई। फेन नॆग नू जॊंख़ मना गे अमा पुन्‍द्र'आ।

गलातिया 5:13

भईरो, नीम नाड़र'आ गे मॆख़्रकादर एन्ने अम्‍बो मना का ईद मॆद ही नलख गे मोका मनो। लिकिन चोन्‍हा ती ओर्त ओर्त गे सुसर नन्नर नेकअन।

2 तीमोथियुस 3:7

ईर सगरो गा सिख्रनर लिकिन मसीसी पत्त ता मानिम कत्‍थन इकला हों बुझुर'आ पोलनर।

याकॊब 1:25

लिकिन नॆ नमा गे छछिन्‍द चि'ऊ ई निंद्रका नॆग नू चिहुंक ती जिया लगा ब'अते र'अदस, आस तान एन्द्रन मेंजकादस अदिन मल मॊध्रदस ती अदही लेक्खा नलख नन्तेम र'अना र'ई। अन्नेम आस नन्दस होले, आस एन्द्रन नन्दस अइय्या आसीस ख़क्‍खोस।

याकॊब 2:12

औंगे छछिन्‍द चि'ऊ पॆसका तिम नीम नेंवई मन्तार'ऊ आलर र'अना ती, अदही लेक्‍खा कछनख्र'आ अरा अदही लेक्खा नलख नना।

1 पतरस 2:16

नीम छछिन्‍द आलर लेक्‍खा उज्जा। लिकिन नीम गा धर्मेसी बिट्ठी ननू जॊंख़ र'अदर, औंगे निम्है छछिन्द आबोन मलदौ नना गे अमा बउर'आ।

2 यॊहन 1:1

ई चिठी ऎन यॊहन सेयान आलन तरती र'ई। ऎन इदन धर्मेस ती चज्ज्रका मुध आली अरा अदही ख़द्दर गे लिखदन। मानिम नू ऎन निमन चोन्हा नन्दन। ऎन लेका मला, एकार धर्मेसी मानिमन अख़नर, अबड़ा ओर्मर निमन चोन्हा नन्नर।