यॊहनस 8:31 - पुना गच्छरना NT (BSI)

³¹ तहाँ येसुस तंगन पत्ताचका अबड़ा यहूदीरिन बाचस, “नीम एंग्‍है कत्‍था नू बन्‍चका र'ओर होले, नीम मानिम नू एंग्‍है चेला मनोर।

यॊहनस 8:31 ပူးပေါင်းရင်းမြစ်များ

मत्तायोस 24:13

लिकिन नॆ तम्‍है उज्‍जना ही मुंज्रना गूटी सह'ओर आरिम जनमजुग ही दंडे ती बछर'ओर।

यॊहनस 1:47

येसुस नतनऎलसिन तंग्‍है तरा बरनन ईरियस ती आसी पत्त नू बाचस, “ऎरा, ईस ओन्‍टा मानिम इस्राऎल आलस, ईसी नू कुटमुटरना मलकी।”

यॊहनस 2:2

येसुस अरा आसी चेलर हूँ आ बेंजा नू एड़रका रहचर।

यॊहनस 6:55

एन्‍देरगेका एंग्‍है अहड़ा अरा एंग्‍है ख़ॆंस मानी ओन्ना-मॊख़ना हवे।

यॊहनस 8:36

औंगे ऎन ख़द्दन निमन छछिन्‍द नन्‍दन होले, नीम मानिम नू छछिन्‍द मनोर।

त‍इरकर 13:43

सभा मुंज्रा अदही ख़ॊख़ा नगदे बग्‍गे यहूदीर अरा यहूदी धरम नू बरचका नन-यहूदीर पौलुस अरा बरनबास गने चॊंख़्रर। पौलुस अरा बरनबास आर ही गने कछनख्रर अरा धर्मेसी सोग्‍गे नू बड़ियर र'आ गे आनियर।

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

त‍इरकर 26:22

लिकिन धर्मेसी सहाड़ा ती इन्ना गूटी र'अदन अरा सन्नी ती कोहाँ ओर्मर ही मुन्‍दहारे गोवाह तेंगदन। एका कत्‍था मना ओंगो ब'अरकी धर्मेसी कत्‍था तिंगुर अरा मूसस तिंका रहचस अदिन दिम ऎन तेंगदन। अदही ती बग्‍गे ऎन एन्देर हूँ मल तेंगदन का,

रोमी 11:22

औंगे धर्मेसी सोग्‍गे ऎदरना अरा बेड़हा सुबहन नीम सोच'आ। मल मनना ती खत्रका आलर म‍इय्याँ आसी सुबहा बेड़हा मनी, अरा नीम आसी सोग्‍गे म‍इय्याँ असरा नन्‍तेम ‍र'अदर होले आस निमन सोग्‍गे ऎरदस। मला होले नीम हूँ खंडत'अरकी तरकूटी नन्‍तार'ओर क'ओर।

रोमी 2:7

एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

1 तीमोथियुस 2:15

अन्नु हों मुक्‍कर पत्त‍'अना, चोन्‍हा अरा नेम्‍हा नू बड़ियर मन्नुम र'ओर होले, आर ख़द्द पाकना चड्डे नाड़र'ओर।

1 तीमोथियुस 4:16

निंग्‍है उज्‍जना अरा सिखाब'अना नू चिहुंक र'आ। एन्ने नीन नन्‍ते र'ओय होले निंगन अरा निंग्‍है कत्‍थन मिनू आलारिन हूँ नाड़ना ही ओदहा मनोय।

2 तीमोथियुस 3:14

लिकिन निंग्‍है सिख्रका कत्‍थन एकदन नीन मानिम कत्‍था अख़दय अदिन पॆस्रते र'आ। एन्‍देरगेका नीन नॆखा गुसलेक इदन सिख्रकय, आर हूँ पत्त'अना जॊगे र'अनर अदन अख़दय।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

इब्रानी 8:9

ई गच्‍छरना एन्ने मल र'ओ का एकदन ऎन आर ही पूरखर गने गच्‍छरका रहचकन, इकला ऎन आर ही ख़ेक्खन धर्चकन ती मिसर राजी ती ओथ्रकन ओन्‍द्रकन, लिकिन आर एंग्‍है गच्‍छरना नू बड़ियर मल रहचर, औंगे ऎन आरिन अम्‍बकन चिच्‍कन।

याकॊब 1:25

लिकिन नॆ नमा गे छछिन्‍द चि'ऊ ई निंद्रका नॆग नू चिहुंक ती जिया लगा ब'अते र'अदस, आस तान एन्द्रन मेंजकादस अदिन मल मॊध्रदस ती अदही लेक्खा नलख नन्तेम र'अना र'ई। अन्नेम आस नन्दस होले, आस एन्द्रन नन्दस अइय्या आसीस ख़क्‍खोस।

1 यॊहन 2:19

आर नम्है कलीसिया गुट्ठी तिम उरखर, लिकिन मानी नू आर नम्है खोंड़हा ता मल रहचर। आर नम्है मधे ता आलर होले, नम्है गने बन्चका र'ओर दनेस। लिकिन आर नम्है ती उरखर केरर, इत्रु ती ईद फरी ईथर'ई का अबड़ा ओर्मर ती नॆ हूँ नम्है मधे ता मलनर।

1 यॊहन 2:24

ऒड़ नू नीम एन्देर कत्था मेंजकर, आद निम्है नू बन्चकी र'अना र'ई। अरा एका कत्थन नीम ऒड़ नू मेंजकादर आद निम्है नू बन्चकी र'ई होले, नीम हूँ ख़द्दस अरा बंगस नू बन्चका र'ओर।

2 यॊहन 1:9

एकास मसीसी सिखाब'अना नू बन्चका मल रहचका ती अइय्या ती चाड़दस, आस गे धर्मेस गने नता मल र'ई। लिकिन एकास मसीसी सिखाब'अना नू बन्चका र'अस, आस गे धर्मे बंगस अरा ख़द्दस इरबर ही गने नता र'ई।