यॊहनस 8:29 - पुना गच्छरना NT (BSI)

²⁹ नॆ एंगन तइय्यस आस एंग्‍है गने र'अस। आस एंगन ओर्तेलेका मल्‍ला अम्‍बिका, एन्‍देरगेका एकदा आसिन खुसमारत'ई अदिनिम ऎन उर्मी उल्‍ला नन्‍दन।”

यॊहनस 8:29 ပူးပေါင်းရင်းမြစ်များ

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 3:15

ख़ने येसुस आसिन आनाकिर्ताचस, “अक्‍कु एन्नेम मना चि'आ, नमा गे एन्नेम धर्मेसी मने लेक्‍खा उर्मी नन्ना चाड़ र'ई।” ख़ने यॊहनस येसुसिन नॊड़रत'आ गे मने मंजस।

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

यॊहनस 14:31

अन्नु हूँ ख़ॆख़ेल अख़ना र'ई का ऎन बंगासिन चोन्‍हा नन्‍दन, अरा एकन्ने बंगस एंगन पॆसस, अन्नेम ऎन नन्‍दन। गुचा, नाम इसलेक क'ओत।”

यॊहनस 15:10

ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

यॊहनस 16:32

ऎरा, बेड़ा बर'आ लगी, अरा अंड़सा ख़च्‍चकी र'ई। आ बारी नीम छितिर बितिर मनोर ती तंग्‍है तंग्‍‍है एड़पा बोंगोर। अरा एंगन ओर्तेलेका अम्‍बोर चि'ओर। अन्नु हूँ ऎन ओर्तेलेका मलदन, एन्‍देरगेका बंगस एंग्‍है गने र'अस।

यॊहनस 17:4

नीन एंगा नना गे चिच्का नलखन नंजकन मुंजकन ती, ऎन इय्या ख़ॆख़ेल नू निंग्‍है महबन दहदर नंजकन।

यॊहनस 4:34

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

यॊहनस 5:30

ऎन एंग्‍है मने लेक्‍खा एन्‍देर हूँ नना पोलदन। धर्मे बंगस ब'अना लेक्‍खम दिम ऎन नेंव‍ई नन्दन। अरा एंग्‍है नेंवई नन्‍ना उजगो र'ई, एन्‍देरगेका ऎन एंगा पत्तार'आ गे मला, एंगन त‍इय्‍का एम्‍बासिन पत्तार'आ गे बेद्ददन।

यॊहनस 6:38

एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

यॊहनस 8:16

लिकिन ऎन नेंवई ननोन होले, एंग्‍है नेंवई ठ‍उकम र'ई, एन्‍देरगेका ऎन ओर्तेलेका ती नेंव‍ई मल नन्‍दन, एंगन त‍इय्‍का एम्‍बस हूँ एंग्‍है गने र'अस।

2 तीमोथियुस 4:17

लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।

2 तीमोथियुस 4:22

उर्बस निंग्‍है गने र'अदस नेक‍अन। निम्‍है ओर्मर म‍इय्याँ आसी मया मनन नेक‍अन।

इब्रानी 4:15

नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।

1 यॊहन 3:22

नाम आसी पॆसका गुट्ठिन पॆस्रना ती, अरा आसिन एन्देर खुसमारती अदिन नन्ना ती, नाम एन्देर एन्देर आसिन ने'अदत अदिन नाम आस ती ख़क्खदत।