यॊहनस 8:24 - पुना गच्छरना NT (BSI)

²⁴ औंगे नीम निम्‍है पाप गुट्ठी नू खे'ओर एन्ने ऎन बाचकन। नॆ बर'ऊ र'अस आस ऎनिम हिकदन एन्ने नीम मल पत्त'ओर होले, नीम निम्‍है पाप गुट्ठी नू खे'ओर।”

यॊहनस 8:24 ပူးပေါင်းရင်းမြစ်များ

मत्तायोस 24:5

एन्‍देरगेका नगदे आलर एंग्‍है नामे ती बर'अरकी ‘ऎन मसीस हिकदन’ ब'ओर ती कोड़हे आलारिन ठक'ओर।

मरकुस 13:6

नगदे आलर एंग्‍है नामे ती बर'अरकी ब'ओर, ‘ऎन मसी हिकदन’ एन्ने ब'अरकी आर नगदे आलारिन ठक'ओर।

मरकुस 16:16

नॆ पत्त'अरकी एंग्‍है नामे नू नॊड़र'ओस आसिन धर्मेस बछाब'ओस। अरा नॆ मल पत्त'ओस आसिन धर्मेस दंडे चि'ओस।

लू‍कस 21:8

आस आरिन बाचस, “चिहुंक र'आ, निमन नीक‍ईम अम्‍बोर ठक'आ। नगदे आलर एंग्‍है नामे ती बर'अरकी ब'ओर, ‘ऎन मसीस हिकदन’ अरा बेड़ा अंड़सा ख़च्‍चकी र'ई, नीम आर ही ख़ॊख़ा अमके काला।

यॊहनस 13:19

ऎन अक्‍कु आद मन्‍ना ती मुन्‍द तेंगदन, औंगे एकाबारी आद मनी आ बारी नीम पत्त'ओर का ऎन आसिम हिकदन।

यॊहनस 3:18

नॆ धर्मेसी ख़द्दस नू पत्त'अदस, आस गे दंडे ही नेंव‍ई मल मनी। लिकिन नॆ आस नू मल पत्त'अदस, आस गे दंडे ही नेंव‍ई मंज ख़च्‍चकी र'ई, एन्‍देरगेका आस धर्मेसी ओर्त लेका ख़द्दासी नामे नू मल पत्त'अदस।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 4:26

येसुस अदिन बाचस, “निंग्‍है गने कछनख्र'ऊ ऎन दिम आस हिकदन।”

यॊहनस 8:21

फेन येसुस अउरिम आरिन बाचस, “ऎन कादन अरा नीम एंगन बेद्दोर, अन्नु हूँ निम्‍है पाप गुट्ठी नू खे'ओर। एक्‍सन ऎन कादन असन नीम बर'आ पोल्‍लोर।”

यॊहनस 8:25

ख़ने आर आसिन मेंजर, “नीन एका ओर्तय?” येसुस बाचस, “अदन दिम ऎन ऒरे तिम निमा गे तिंगनुम तिंगनुम बरचकन।

यॊहनस 8:28

ख़ने येसुस आरिन बाचस, “एकाबारी नीम मनवा ख़द्द एंगन म‍इय्याँ अरगत'ओर, आ बारी अख़'ओर का ऎन आसिम हिकदन नॆ बर'ऊ रहचस। अरा ऎन ऎनिम एन्‍देर हूँ मल नन्‍दन, लिकिन एन्द्रन एम्‍बस एंगन सिखाबाचस, अदन दिम ऎन निमन ब'अदन एन्ने हूँ अख़'ओर।

यॊहनस 8:58

येसुस बाचस, “ऎन निमन मानिम ब'अदन, अब्राहमस कुन्‍द्रस ती मुन्‍द तिम ऎन र'अदन।”

त‍इरकर 4:12

आसिन अम्‍बरकी एक‍अम नन्नर ती नाड़रना मलकी। एन्‍देरगेका गोट्टा ख़ॆख़ेल नू आलर गे येसु नामे ती नन्ना नामे मल्‍ला चीरका का अत्रु नम्‍है नाड़रना मना ओंगो।”

इब्रानी 12:25

औंगे चिहुंक र'आ का निम्‍है गुसन ब'ऊ धर्मेसिन मेना गे बिड़दो मुंही अमा नना। ख़ॆख़ेल नू मूसासी चेताब'अनन मेना गे इस्राऎल आलर बिड़दो मुंही नंजर ती आर पोल्‍लर बछर'आ। अन्ने होले नाम मेर्ख़ा ती चेताब'उसिन मेना गे बिड़दो मुंही ननोत ती एकासे बछर'ओत?

इब्रानी 2:3

औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।