यॊहनस 8:20 - पुना गच्छरना NT (BSI)

²⁰ येसुस धर्मेसी मन्दिर नू सिखाब'अना बारी भंडार एड़पा गुसन इज्‍जस ती इबड़ा कत्‍थन बाचस। लिकिन नॆ हूँ आसिन मल हॆंचर, एन्‍देरगेका अक्‍कु गूटी आसी ठौका बेड़ा मल अंड़सकी रहचा।

यॊहनस 8:20 ပူးပေါင်းရင်းမြစ်များ

मत्तायोस 26:55

तहाँ येसुस गोंहड़ा आबोन बाचस, “ऎन गा उर्मी उल्‍ला धर्मेसी मन्दिर नू निम्‍है गने सिखाब'आ लिक्‍कन। ख़ने नीम एंगन मल धरचकर। नीम डाकू आलारिन धरना लेक्‍खा एंगन धर'आ गे तलवार अरा सोट्टा धर'अरकी बरचकादर।

मत्तायोस 27:6

मुध नैगर अबड़ा ढिबन होच्‍चर ती बाचर, “इबड़न भंडार नू सजना नॆग ही बिड़दो र'ई, एन्‍देरका ईद ख़ॆंस ही दाम हवे।”

मरकुस 12:41

तहाँ येसुस धर्मेसी मन्दिर नू दान बकसा ही मुन्‍दहारे ओक्‍करकी बकसा नू गोंहड़ा ही दान सजनन ऎरालियस। बग्‍गे उरुब आलर नगदे पैसा कौड़ी सज्‍जर।

मरकुस 12:43

येसुस तंग्‍है चेलारिन हेद्दे मॆख़रकी बाचस, “ऎन निमन मानिम ब'अदन, धर्मेसी मन्दिर ही दान बकसा नू सजका आलर ती ई कीड़ा रड़ियाही उर्मी ती बग्‍गे सजकी र'ई।

लू‍कस 20:19

आ बारिम नॆग सिखाब'उर अरा मुध नैगर आसिन धर'आ बेद्दा लगियर, एन्‍देरगेका आर बुझुर ख़च्चिका रहचर का येसुस आर ही बिड़दो ई जोक्‍खा ख़ीरिन बाचकाचस। लिकिन आर आलारिन इल्‍चियर।

लू‍कस 21:1

फिन येसुस उरुब आलारिन दान बकसा नू दान सजनन थिथाब'अर ईरियस।

यॊहनस 10:39

औंगे अउरिम आर आसिन धर'आ गे बिद्दियर, लिकिन आस आर ही ख़ेक्खा ती बुचड़ारस केरस।

यॊहनस 2:4

ख़ने येसुस अदिन बाचस, “अनय आली! इदिन एंगन एन्‍देरगे तेंगालदी? अक्‍कुन एंग्‍है बेड़ा अरगी अंड़सा।”

यॊहनस 7:14

लिकिन परब ही मझी बेड़ा नू येसुस धर्मेसी मन्दिर ही चाली नू केरस ती सिखाब'आ हेलरस।

यॊहनस 7:30

तहाँ जोक्क आलर येसुसिन हें'आ बेद्द लगियर, लिकिन नॆ हूँ आसिन धर'आ गे मुन्‍द मल बरचर, एन्‍देरगेका अक्‍कुन गूटी आसी ठौका बेड़ा मल अंड़सकीचा।

यॊहनस 7:44

जोक्‍कोर आसिन हें'आ बेद्दा लगियर‍, लिकिन नॆ हूँ आसिन धर'आ गे मुन्‍द मल बरचर।

यॊहनस 7:8

नीम ई परब नू कला। ऎन अक्‍कु ई परब नू मल कादन, एन्‍देरगेका अक्‍कुन गूटी एंगा गे ठौका बेड़ा मल अंड़सकी र'ई।”

यॊहनस 8:2

अरा पैरी बारी आस धर्मेसी मन्दिर चाली नू अउरिम बरचस। ख़ने ओर्मा आलर आसी गुसन बरचर, अरा आस उक्‍कियस ती आरिन सिखाब'आ हेलरस।

यॊहनस 8:59

इदन मेंजर ती आर आसिन लोड़ग'आ गे पखना गुट्ठी पेत्तर। लिकिन येसुस नूख़्रस ती धर्मेसी मन्दिर ती गुच्‍छरस केरस।