यॊहनस 8:2 - पुना गच्छरना NT (BSI)

² अरा पैरी बारी आस धर्मेसी मन्दिर चाली नू अउरिम बरचस। ख़ने ओर्मा आलर आसी गुसन बरचर, अरा आस उक्‍कियस ती आरिन सिखाब'आ हेलरस।

यॊहनस 8:2 ပူးပေါင်းရင်းမြစ်များ

मत्तायोस 26:55

तहाँ येसुस गोंहड़ा आबोन बाचस, “ऎन गा उर्मी उल्‍ला धर्मेसी मन्दिर नू निम्‍है गने सिखाब'आ लिक्‍कन। ख़ने नीम एंगन मल धरचकर। नीम डाकू आलारिन धरना लेक्‍खा एंगन धर'आ गे तलवार अरा सोट्टा धर'अरकी बरचकादर।

लू‍कस 21:37

येसुस उल्‍ला बारी धर्मेसी मन्दिर ही चाली नू सिखाब'आ लगियस, अरा माख़ा बारी नगरे ही बहरी कालरकी जैतून नामे परता नू र'आ लगियस।

लू‍कस 21:38

अरा पैरिम ओर्मा आलर आसहीन मेना गे धर्मेसी मन्दिर ही चाली नू आसी गुसन बर'आ लगियर।

लू‍कस 4:20

तहाँ आस पुथिन डबचस ती जॊंख़ासी ख़ेक्खा नू चिच्‍चस अरा आलारिन सिखाब'आ गे उक्‍कियस। अरा गोड़हा एड़पा ता ओर्मा आलर आसिन ऎरते रहिकेरर।

लू‍कस 5:3

येसुस अबड़ा डोंगा गुट्ठी ती ओन्‍टा नू अरगियस एकदा सिमॊनसी रहचा। अरा आसिन बाचस का पिंडी ती कटिक गुछा ब'आ। तहाँ येसुस डोंगा नू उक्‍कियस ती आलारिन सिखाब'आ हेलरस।

यॊहनस 4:34

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

यॊहनस 8:20

येसुस धर्मेसी मन्दिर नू सिखाब'अना बारी भंडार एड़पा गुसन इज्‍जस ती इबड़ा कत्‍थन बाचस। लिकिन नॆ हूँ आसिन मल हॆंचर, एन्‍देरगेका अक्‍कु गूटी आसी ठौका बेड़ा मल अंड़सकी रहचा।

यॊहनस 8:3

आ बारी यहूदी नॆग सिखाब'उर अरा फरिसीर नन्ना आलस गुसन काना पाप नू धर्रका ओन्‍टा मुक्‍कन अइय्या ओन्‍द्रर। अरा अदिन गोंहड़ा ही मुन्‍दहारे इजताचर।

त‍इरकर 5:21

आर इदिन मेंजर ती बिज बेड़ा नू धर्मेसी मन्दिर नू कोरचर ती सिखाब'आ हेलरर। तहाँ कोहाँ नैगस अरा आसी संगेर बरचर ती इस्राऎल ही उर्मी सेयान आलर र'अना कोहाँ सभा आबोन मीख़ियर। अरा जोक्‍क आलारिन जेहेल ती त‍इरकारिन ओन्‍द्र'आ गे त‍इय्यर।