यॊहनस 8:16 - पुना गच्छरना NT (BSI)

¹⁶ लिकिन ऎन नेंवई ननोन होले, एंग्‍है नेंवई ठ‍उकम र'ई, एन्‍देरगेका ऎन ओर्तेलेका ती नेंव‍ई मल नन्‍दन, एंगन त‍इय्‍का एम्‍बस हूँ एंग्‍है गने र'अस।

यॊहनस 8:16 ပူးပေါင်းရင်းမြစ်များ

यॊहनस 16:32

ऎरा, बेड़ा बर'आ लगी, अरा अंड़सा ख़च्‍चकी र'ई। आ बारी नीम छितिर बितिर मनोर ती तंग्‍है तंग्‍‍है एड़पा बोंगोर। अरा एंगन ओर्तेलेका अम्‍बोर चि'ओर। अन्नु हूँ ऎन ओर्तेलेका मलदन, एन्‍देरगेका बंगस एंग्‍है गने र'अस।

यॊहनस 8:29

नॆ एंगन तइय्यस आस एंग्‍है गने र'अस। आस एंगन ओर्तेलेका मल्‍ला अम्‍बिका, एन्‍देरगेका एकदा आसिन खुसमारत'ई अदिनिम ऎन उर्मी उल्‍ला नन्‍दन।”

त‍इरकर 17:31

एन्‍देरगेका आस ओन उल्‍लन ओकताचकादस। अउला आस आसी चाजरका आलस ती गोट्टा ख़ॆख़ेल ता आलारिन उजगो ती नेंव‍ई ननोस। आ आलासिन आस केचका ती उज्‍जा चॊदताचस ती ई कत्थन ओर्मारिन मानिम ऎदका र'अस।”

दहदर मंजका कत्‍था 19:11

फेन ऎन मेर्ख़न तिसगिरका ईरकन, अरा ऎरा, ओन्टा पंडरु घोड़ो असन इज्जकी रहचा। अरा एका ओर्तस आ घोड़ोन चलाब'अदस आस पत्त'अना जॊगे अरा मानिम बारदस। आस उजगो गने नेंवई अरा लड़ई नन्दस।