यॊहनस 8:15 - पुना गच्छरना NT (BSI)

¹⁵ नीम आलर नन्ना लेक्‍खा नेंवई नन्‍दर, लिकिन ऎन गा नॆख'आनिम नेंवई मल नन्‍दन।

यॊहनस 8:15 ပူးပေါင်းရင်းမြစ်များ

लू‍कस 12:14

लिकिन येसुस आसिन बाचस, “अना आलायो! नॆ एंगन निम्‍है म‍इय्याँ नेंव‍ई ननू महले बटा ख़ट्टू कमचकी र'ई।”

यॊहनस 12:47

नेक‍ईम एंग्‍है कत्‍था गुट्ठिन मेन्‍दस ती अबड़न मल मनदस होले, आसिन ऎन नेंव‍ई मल नन्‍दन, एन्‍देरगेका ऎन ख़ॆख़ेलन नेंव‍ई नना गे मला, लिकिन अदिन नाड़ा गे बरचका र'अदन।

यॊहनस 18:36

येसुस आनाकिर्ताचस, “एंग्‍है राजी ई ख़ॆख़ेल ता मल्‍ली। एंग्‍है राजी ई ख़ॆख़ेल ता रहचका होले, एंग्‍है जॊंख़र लड़'ओर दने, का ऎन यहूदीर ही ख़ेक्खा नू मल चीतार'ओन दने। लिकिन एंग्‍है राजी ई ख़ॆख़ेल ता मल्‍ली।”

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 7:24

मुंही ऎरा ती नेंवई अमा नना, लिकिन ठौका ठौका नेंवई नना।”

यॊहनस 8:11

आद बाचा, “उर्बायो, नॆ हूँ मला।” तहाँ येसुस अदिन बाचस, “ऎन हूँ दंडे ही नेंव‍ई मल नन्‍दन, कलय, अरा अक्‍कु ती पाप नन्नन अम्‍बय चि'ई।”]

रोमी 2:1

औंगे अना नन्नर म‍इय्याँ नेंवई ननू आलारो, नीम नीक‍ईम हूँ र'ओर, नीम बछर'आ पोलदर। एका कत्‍था ही नीम आरिन बदी नन्‍दर, अत्रुम नीम हूँ बदी खत्तरदर। एन्‍देरगेका नीम एका बदी नन्नर म‍इय्याँ नन्‍दर आ मलदौ नलखन नीमिम नन्‍दर।

1 कोरिन्‍थ 2:15

लिकिन नेम्‍हा बॊलतस तंग्‍है नू र'ऊ आलस उर्मिन दिम बिढ़दस ती बुझ्रदस, लिकिन तान गा नॆख'आ ती हूँ बिढ़्रदस ती बुझ्र'आ पोलदस।

2 कोरिन्‍थ 5:16

औंगे ऎम अक्कु ती नॆकन हूँ कया ही सुबहा ती मल लेखदम जोक्खदम, ऎम मुन्द मसीसिन एन्ने कया सुबहा ती लेखकम जोक्खकम, लिकिन अक्‍कु ती इकला हूँ आसिन अन्नेम मल नन्दम।

याकॊब 2:4

एन्ने होले, नीम निम्‍है नू तीना ख़ाँड़ना ही अरा मलदौ सोच गुट्ठी ती नेंवई नन्ना ही बदी नन्दर।