यॊहनस 7:7 - पुना गच्छरना NT (BSI)

⁷ ई सौंसार ही आलर निमन हींड़'आ पोलनर, लिकिन आर एंगन हींड़नर, एन्‍देरगेका ऎन आरिन तेंगदन का आर मलदौ नलख गुट्ठी नन्नर।

यॊहनस 7:7 ပူးပေါင်းရင်းမြစ်များ

लू‍कस 6:26

ओहरे निमन इकला ओर्मा आलर सहरारनर, एन्‍देरगेका आर ही पूरखर हूँ ठक'ऊ धर्मेसी कत्‍था तिंगुर गने एन्नेम नना लगियर।

यॊहनस 17:14

ऎन आर गे निंग्‍है कत्‍थन चिच्कादन। अरा ख़ॆख़ेल आरिन कैर नंजा, एन्‍देरगेका ऎन एकासे ख़ॆख़ेल ही मलदन, अन्नेम आर हूँ ख़ॆख़ेल ही मलनर।

यॊहनस 3:19

आर गे दंडे ही नेंव‍ई ही चड्डे ईद दिम का, बिल्‍ली ख़ॆख़ेल नू बरचा, लिकिन आलर बिल्‍ली ती कोड़हे ऊख़न पत्तारर, एन्‍देरगेका आर ही नलख गुट्ठी मलदौ रहचा।

रोमी 8:7

एन्‍देरगेका इकला आलर ही मने पाप मॆद सुबहा ही तबे नू र'ई, आर धर्मेसी बिड़दो नू र'अनर। आर धर्मेसी नॆग आबोन मल पॆस्रनर, अरा पॆस्र'आ हूँ पोलनर।

गलातिया 4:16

अक्‍कुन एन्‍देर मानिम ब'अना चड्डे ऎन निम्‍है बैरी मंजकन का?

याकॊब 4:4

अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।

1 यॊहन 4:5

आर सौंसार ता हिकनर, औंगे आर सौंसार ही पत्त ता कत्था गुट्ठिन कछनख्रनर, अरा सौंसार ता आलर आर ही कत्थन मेन्नर।