यॊहनस 7:6 - पुना गच्छरना NT (BSI)

⁶ ख़ने येसुस आरिन बाचस, “अक्‍कुन गूटी एंगा गे ठौका बेड़ा मल अंड़सकी र'ई, लिकिन उर्मी बेड़ा गा निमा ठौका र'ई।

यॊहनस 7:6 ပူးပေါင်းရင်းမြစ်များ

मत्तायोस 26:18

ख़ने आस आरिन बाचस, “नगरे नू ओन्‍टा आलासी गुसन कला अरा ब'अके, ‘गुरुस ब'अदस का एंग्‍है ओक्‍ताचका बेड़ा हेद्दे अंड़सिया, ऎन एंग्‍है चेलर गने निंग्‍है एड़पा नू कट्टना ही ओन्ना-मॊख़नन मॊख़ोन?’”

यॊहनस 13:1

कट्टना परब ही मुन्‍द येसुस अक्‍खस का ई ख़ॆख़लन अम्‍बना ती तम्‍बस गुसन तंग्‍है काना बेड़ा अंड़सिया। आस तंग्‍है आलर नॆ ई ख़ॆख़ेल नू रहचर, आरिन सगरो चोन्‍हा नंजका रहचस, अरा आरिन मुंजा गूटी चोन्‍हा नंजस।

यॊहनस 17:1

इबड़ा कत्‍थन येसुस बाचस मुंजियस ती आस मेर्ख़ा तरा मॆन ईरिय‍स ती गोहरारस, “अना एंग्‍है बंगायो, बेड़ा अंड़सकी र'ई, निंग्‍दस एंग्‍है महबन नीन आलर गे दहदर नना, का ऎन आलर गे निंग्‍है महबन ऎद'आ ओंग्दन।

यॊहनस 2:4

ख़ने येसुस अदिन बाचस, “अनय आली! इदिन एंगन एन्‍देरगे तेंगालदी? अक्‍कुन एंग्‍है बेड़ा अरगी अंड़सा।”

यॊहनस 7:30

तहाँ जोक्क आलर येसुसिन हें'आ बेद्द लगियर, लिकिन नॆ हूँ आसिन धर'आ गे मुन्‍द मल बरचर, एन्‍देरगेका अक्‍कुन गूटी आसी ठौका बेड़ा मल अंड़सकीचा।

यॊहनस 7:8

नीम ई परब नू कला। ऎन अक्‍कु ई परब नू मल कादन, एन्‍देरगेका अक्‍कुन गूटी एंगा गे ठौका बेड़ा मल अंड़सकी र'ई।”

यॊहनस 8:20

येसुस धर्मेसी मन्दिर नू सिखाब'अना बारी भंडार एड़पा गुसन इज्‍जस ती इबड़ा कत्‍थन बाचस। लिकिन नॆ हूँ आसिन मल हॆंचर, एन्‍देरगेका अक्‍कु गूटी आसी ठौका बेड़ा मल अंड़सकी रहचा।

त‍इरकर 1:7

येसुस आरिन बाचस, “बंगस एका उल्ला महले बेड़ा गुट्ठिन ओक्‍ताचस ती तंग्‍है आकुस नू दिम उइय्कादस, अदिन अख़ना निम्‍है चाड़ मलकी।