यॊहनस 7:39 - पुना गच्छरना NT (BSI)

³⁹ तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

यॊहनस 7:39 ပူးပေါင်းရင်းမြစ်များ

मत्तायोस 16:14

आर बाचर, “जोक्‍क आलर ब'अनर यॊहन नूड़रत'उस, अरा जोक्‍क आलर ब'अनर धर्मेसी कत्‍था तिंगू एलियस, अरा नन्नर ब'अनर येरेमियास महले चिरान ता धर्मेसी कत्‍था तिंगुर ती नन्ना ओर्तोस”

मत्तायोस 21:11

अरा आलर बाचर, “गलिलेया जिला ही नासरेत पद्दा ता धर्मेसी कत्‍था तिंगू येसुस।”

लू‍कस 24:49

अरा नेम्‍हा बॊलतन एकदन एम्‍बस गच्‍छरका र'अस अदिन ऎन निमा गे त‍इय्योन, अरा नीम नेम्‍हा बॊलतासी सवंग ख़क्‍खना गूटी येरुसलॆम नगरे नुम र'अके।”

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

लू‍कस 7:16

ओर्मर गे इल्चका कोरचा केरा, अरा धर्मेसी ओहमा नंजर ती ब'आ लगियर, “नम्‍है मझी नू ओन्‍टा कोहाँ धर्मेसी कत्‍था तिंगुस बरचकादस, अरा धर्मेस तंग्‍है आलर मइय्याँ सोग्‍गे ईरकादस।”

यॊहनस 1:21

ख़ने आर आसिन मेंजर, “होले नीन एका ओर्तय? नीन धर्मेसी कत्‍था तिंगू एलियस हिकदय का?” यॊहनस बाचस, “ऎन एलियस मलदन।” अरा आर अउरिम मेंजर, “नीन बर'ऊ र'अदस आ धर्मेसी कत्‍था तिंगू हिकदय का?” आस बाचस, “मला।”

यॊहनस 1:25

“नीन मसीस मलदय, महले एलियस मलदय, महले बर'ऊ र'अदस आ धर्मेसी कत्‍था तिंगू मलदय होले, नीन एन्‍देरगे आलारिन नॊड़रत'अदय?”

यॊहनस 1:33

ऎन हूँ आसिन बल्‍ला लिक्‍कन। लिकिन एंग‍न नॆ अम्मु ती नॊड़रत'आ गे तइय्यस, आसिम एंगन बाचस ‘नीन नॆख'आ मइय्याँ नेम्‍हा बॊलतन एत्तना अरा ओक्‍कनन ऎरोय, आसिम नेम्हा बॊलतस ती नॊड़रत'ओस।’

यॊहनस 12:16

येसुसी चेलर मुन्‍द इबड़न मल बुझ्र'आ लगियर। लिकिन येसुस महबा नू होतारना ही ख़ॊख़ा, आर सुरता नंजर का इबड़ा आसी पत्त नू धर्मेसी कत्‍था तिंगुर ती लिख्रकी रहचा, अरा इबड़न आलर आसी गने एन्नेम नंजका रहचर।

यॊहनस 12:23

येसुस बाचस, “मनवा ख़द्दासी महबा मन्‍ना ही बेड़ा अंड़सकी र'ई।

यॊहनस 14:13

अरा नीम एंग्‍है नामे ती इन्द्रिइम ने'अदर‍, अदिन ऎन निमा गे ननोन। ख़ने बंगासी महबा ऎन ख़द्दस ती दहदर मनो।

यॊहनस 14:26

लिकिन सालत'उस, नेम्‍हा बॊलतस नॆकन बंगस एंग्‍है नामे ती तइय्योस, आस निमन उर्मी कत्‍थन सिखाब'ओस अरा एंग्‍है आनका उर्मी कत्‍थन निमन सुरता नन्‍त'ओस।

यॊहनस 16:14

आस एंगा गे महबन ओन्‍द्र'ओस, एन्‍देरगेका आस एंग्है ती ख़क्‍खदस ती अदिन निमन तेंगोस।

यॊहनस 16:7

लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन।

यॊहनस 17:1

इबड़ा कत्‍थन येसुस बाचस मुंजियस ती आस मेर्ख़ा तरा मॆन ईरिय‍स ती गोहरारस, “अना एंग्‍है बंगायो, बेड़ा अंड़सकी र'ई, निंग्‍दस एंग्‍है महबन नीन आलर गे दहदर नना, का ऎन आलर गे निंग्‍है महबन ऎद'आ ओंग्दन।

यॊहनस 17:5

अरा अना एंग्‍है बंगायो, ख़ॆख़ेल ही मन्‍ना ती मुन्‍द निंग्‍है गने एंगा गे रहचका महबा ती अक्‍कु निंग्‍है मुन्दहारे एंगन महबा नना।

यॊहनस 20:22

अरा एन्ने बाचस ती आस आर ही मइय्याँ ऊरचस ती बाचस, “नेम्‍हा बॊलतासिन इंझ्र'आ।

यॊहनस 6:14

येसुसी ई अजगुत नलख ही चिन्‍हन ईरियर ख़ने, आर ब'आ हेलरर, “मानिम ईस ख़ॆख़ेल नू बर'ऊ रहचस आ धर्मेसी कत्‍था तिंगुस हिकदस।”

यॊहनस 7:12

अरा गोंहड़ा नू आलर ढ़ॆर कत्‍था आसी पत्त नू तम्‍है नू कले कले कछनख्र'आ लगियर। जोक्‍क आलर ब'आ लगियर, “आस दौ आलस”, लिकिन नन्नर ब'आ लगियर “मला, आस आलारिन भेंवाब'अदस।”

यॊहनस 8:54

येसुस आनाकिर्ताचस, “ऎन ऎनिम एंगन म‍ईन ननोन होले, एंग्‍है म‍ईन एन्‍देर हूँ मल्‍ली। लिकिन एंगन म‍ईन ननुस एम्‍बस हिकदस, अरा नीम ब'अदर आस निम्‍है धर्मेस।

त‍इरकर 19:2

पौलुस आरिन मेंजस, “नीम पत्ताचका बेड़ा नू नेम्‍हा बॊलतासिन ख़क्‍खकर का?” अबड़र बाचर, “मला, ऎम गा नेम्‍हा बॊलतस र'अदस एन्ने इकला हूँ मलम मेंजकम।”

त‍इरकर 2:17

‘धर्मेस बाचकादस ‘मुंज्रना ही उल्‍ला गुट्ठी नू ऎन उर्मी आलर म‍इय्याँ एंग्‍है बॊलतन तुन्‍दोन, होले निम्‍है कुक्‍को कुक्‍के ख़द्दर धर्मेसी कत्थन मुन्द तेंगोर, अरा निम्‍है जॊंख़र देखार गुट्ठी ऎरोर, अरा निम्‍है पचगीर तुंगुल गुट्ठी ऎरोर।

त‍इरकर 2:33

तहाँ धर्मेस आसिन होच्चस ती तंग्‍है गने ओक्‍तारकी राजी नन्ना ही म‍ईन आबोन चिच्‍चस। अरा आस बबस गच्‍छरका नेम्‍हा बॊलतासिन ख़क्‍खियस ती अदिन नमा चिच्‍चस, एकासे अक्‍कुन नीम ऎरदर अरा मेन्‍दर।

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 2:4

अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

त‍इरकर 4:31

इकला आर गोहरारका रहचर अन्नेम आर ख़ॊंड़रका रहचर आ अड्डा नुक्रा केरा, अरा अबड़र जम्मर नेम्‍हा बॊलतस ती निन्‍दियर ती धर्मेसी कत्‍थन डिढ गने तेंगा हेलरर।

रोमी 8:9

लिकिन नीम पाप मॆद सुबहा ही तबे नू मल र'अदर। अरा धर्मेसी बॊलता निम्‍है नू मड़'ई होले, नीम बॊलतस ही तबे नू र'अदर। एका ओर्तस नू मसीसी बॊलता मलकी होले आस मसीसी मलदस।

2 कोरिन्‍थ 3:8

आद अन्ने रहचा होले, नेम्‍हा बॊलतस ओन्द्रना गच्छरना एका कोड़हे महबा ही मल र'ओ का?

इफेसुस 4:30

अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।