यॊहनस 7:33 - पुना गच्छरना NT (BSI)

³³ येसुस बाचस, “ऎन जोक्‍क उल्‍ला लेका निम्‍है गने र'ओन, फेन एंग्‍है तइय्युस गुसन किर्रिम बि'ओन।

यॊहनस 7:33 ပူးပေါင်းရင်းမြစ်များ

मरकुस 16:19

ख़ने उर्बा येसुस आर ही गने कत्‍था कछनख्रका ही ख़ॊख़ा धर्मेस येसुसिन मेर्ख़ा होच्‍चस, अरा आस धर्मेसी तीना चोक्‍ख उक्‍कियस।

यॊहनस 13:1

कट्टना परब ही मुन्‍द येसुस अक्‍खस का ई ख़ॆख़लन अम्‍बना ती तम्‍बस गुसन तंग्‍है काना बेड़ा अंड़सिया। आस तंग्‍है आलर नॆ ई ख़ॆख़ेल नू रहचर, आरिन सगरो चोन्‍हा नंजका रहचस, अरा आरिन मुंजा गूटी चोन्‍हा नंजस।

यॊहनस 13:3

येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।

यॊहनस 13:33

खद्दारो! जोक्‍क घड़ी लेका निम्‍है गने र'ओन। अरा नीम एंगन बेद्दोर, अरा ऎन एकासे यहूदी मुद्धारिन बाचकन अन्नेम अक्‍कुन ऎन निमन ब'अदन का ऎन एक्‍सन कादन असन नीम काला पोल्‍दर।

यॊहनस 14:12

ऎन निमन मानिमन ब'अदन, नॆ एंग्‍है मइय्याँ पत्त'अदस, आस ऎन एका नलख गुट्ठिन नंजकादन अबड़न तान हूँ ननोस। अरा ऎन बंगस गुसन कालदन ई चड्डे आस अबड़ा ती हूँ कोहाँ नलख गुट्ठिन ननोस।

यॊहनस 14:19

जोक्‍क घड़ी ख़ॊख़ा ख़ॆख़ेल एंगन ऎरा दिम पोल्‍लो। लिकिन नीम गा एंगन ऎरोर, ईगेका ऎन उज्‍जालदन, नीम हूँ उज्‍जोर।

यॊहनस 14:28

ऎन निमन एन्ने ब'अना मेंजकर, ‘ऎन कालदन, अरा निम्‍है गुसन फेन बर'ओन।’ नीम एंगन चोन्‍हा नन्‍दर होले, नीम रिझ्र'ओर दने का ऎन बंगस गुसन किर्रदन कादन, एन्‍देरगेका बंगस एंगन ती कोहाँ र'अस।

यॊहनस 16:10

अरा ऎन बंगस गुसन काना ती नीम एंगन अउर मल ऎरोर ई चड्डे उजगो र'अना ही पत्त नू आस तेंगोस।

यॊहनस 16:28

ऎन बंगस तरती उरखकन ती ख़ॆख़ेल नू बरचकन, अरा अक्‍कुन ऎन ख़ॆख़लन अम्‍बदन ती बंगस गुसन किर्रा कालदन।”

यॊहनस 16:5

अक्‍कु ऎन एंग्‍है तइय्युस गुसन किर्रा कालदन। अन्नु हूँ निम्‍है ती ओर्त हूँ एंगन अक्‍कुन मल मेन्‍दर का ‘नीन एक्‍सन कादय?’

यॊहनस 17:11

अक्‍कु ती ऎन ख़ॆख़ेल नू मल र'ओन, लिकिन ईर ख़ॆख़ेल नू र'अनर, अरा ऎन निंग्‍है गुसन बरदन। अना नेम्‍हा बंगायो, नीन एंग्‍है चिच्का निंग्‍है नामे ही सवंग ती नीन आरिन ख़ापा, का ईर नम्‍है लेक्‍खा ओन्‍टेम र'ओर।

यॊहनस 17:13

अक्‍कु ऎन निंग्‍है गुसन बरदन, अरा ऎन ख़ॆख़ेल नू र'अना बारिम इबड़ा कत्‍थन ब'अदन, औंगे आर एंग्‍है रिझ्रना ती नीदा ओंग्‍नर।

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

यॊहनस 9:4

उल्‍ला उल्‍लम बारिम नाम एंग्‍है तइय्युसी नलखन नन्‍ना र'ई। माख़ा बर'आ लगी, आ बारी नॆ हूँ एन्‍देर हूँ नना पोल्‍लोर।