यॊहनस 7:30 - पुना गच्छरना NT (BSI)

³⁰ तहाँ जोक्क आलर येसुसिन हें'आ बेद्द लगियर, लिकिन नॆ हूँ आसिन धर'आ गे मुन्‍द मल बरचर, एन्‍देरगेका अक्‍कुन गूटी आसी ठौका बेड़ा मल अंड़सकीचा।

यॊहनस 7:30 ပူးပေါင်းရင်းမြစ်များ

मत्तायोस 12:14

ख़ने फरिसीर बहरी उरखर ती आसी बिड़दो नू चिताबुता नंजर येसुसिन एकासे पिटोत।

मत्तायोस 21:46

अरा आर आसिन धर'आ बिद्दियर, लिकिन आलर ती इल्‍चियर का आर आसिन धर्मेसी कत्‍था तिंगुस मन'आलियर।

मरकुस 11:18

येसुस एन्‍देर नंजस अदिन मुध नैगर अरा नॆग सिखाब'उर मेंजर। ख़ने आर आसिन पिटा गे बेड़ा बेद्दते र'आलियर। आर गा आसिन एल्चालियर, इदगेका गोंहड़ा आसी सिखाब'अना ती अकबकरा केरा।

लू‍कस 20:19

आ बारिम नॆग सिखाब'उर अरा मुध नैगर आसिन धर'आ बेद्दा लगियर, एन्‍देरगेका आर बुझुर ख़च्चिका रहचर का येसुस आर ही बिड़दो ई जोक्‍खा ख़ीरिन बाचकाचस। लिकिन आर आलारिन इल्‍चियर।

लू‍कस 22:53

ऎन गा उर्मी उल्‍ला धर्मेसी मन्दिर नू निम्‍है गने रहचकन। आ बारी नीम एंगन मल धरचकर। लिकिन अक्‍कुन गा निमा गे धर्मेस एन्ने नना गे चिच्‍चस, अरा ऊख़ा ही आकुस राजी ननी।”

यॊहनस 10:31

फेनिम यहूदीर येसुसिन लोड़ग'आ पिटा गे पखना पेत्तर।

यॊहनस 10:39

औंगे अउरिम आर आसिन धर'आ गे बिद्दियर, लिकिन आस आर ही ख़ेक्खा ती बुचड़ारस केरस।

यॊहनस 11:57

लिकिन मुध नैगर अरा फरिसीर पॆसका चिच्का रहचर का निक‍ईम येसुस एसन र'अस एन्‍ने अख़दस होले, आस आर गे तेंग्‍ना दिम र'ई। ख़ने आर आसिन हें'आ ओंगोर।

यॊहनस 7:19

मूसस निमा गे नॆग चिच्चस, अन्नु हूँ निम्‍है नू नॆ हूँ नॆग लेक्‍खा मल ऎकदर। होले एन्‍देरगे एंगन पिटा बेद्ददर?”

यॊहनस 7:32

फरिसीर असन ख़ॊंड़रका आलर आसी पत्त नू इबड़ा कत्‍थन टुरुफुसरनन मेंजर। ख़ने मुध नैगर अरा फरिसीर जोक्‍क धर्मेसी मन्दिर ख़ापू सैनारिन आसिन हें'आ गे तइय्यर।

यॊहनस 7:6

ख़ने येसुस आरिन बाचस, “अक्‍कुन गूटी एंगा गे ठौका बेड़ा मल अंड़सकी र'ई, लिकिन उर्मी बेड़ा गा निमा ठौका र'ई।

यॊहनस 7:8

नीम ई परब नू कला। ऎन अक्‍कु ई परब नू मल कादन, एन्‍देरगेका अक्‍कुन गूटी एंगा गे ठौका बेड़ा मल अंड़सकी र'ई।”

यॊहनस 8:20

येसुस धर्मेसी मन्दिर नू सिखाब'अना बारी भंडार एड़पा गुसन इज्‍जस ती इबड़ा कत्‍थन बाचस। लिकिन नॆ हूँ आसिन मल हॆंचर, एन्‍देरगेका अक्‍कु गूटी आसी ठौका बेड़ा मल अंड़सकी रहचा।

यॊहनस 8:37

ऎन अख़दन का नीम अब्राहमसी बनस हिकदर, अन्नु हूँ नीम एंगन पिटा गे बेद्ददर, एन्‍देरगेका नीम एंग्‍है सिखाब'अनन मल इंझ्रदर।

यॊहनस 8:59

इदन मेंजर ती आर आसिन लोड़ग'आ गे पखना गुट्ठी पेत्तर। लिकिन येसुस नूख़्रस ती धर्मेसी मन्दिर ती गुच्‍छरस केरस।

यॊहनस 9:4

उल्‍ला उल्‍लम बारिम नाम एंग्‍है तइय्युसी नलखन नन्‍ना र'ई। माख़ा बर'आ लगी, आ बारी नॆ हूँ एन्‍देर हूँ नना पोल्‍लोर।