यॊहनस 7:29 - पुना गच्छरना NT (BSI)

²⁹ लिकिन ऎन आसिन अख़दन, एन्‍देरगेका ऎन आसी गुस्‍ते बरचकादन, अरा आसिम एंगन तइय्यस।”

यॊहनस 7:29 ပူးပေါင်းရင်းမြစ်များ

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 13:3

येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।

यॊहनस 17:18

एकन्ने नीन एंगन ख़ॆख़ेल नू तइय्‍कय, अन्नेम ऎन आरिन ख़ॆख़ेल नू तइय्‍कादन।

यॊहनस 6:46

नॆ धर्मेस तरती बरचकादस, आसिन अम्‍बरकी नॆ हूँ बंगासिन मल ईरका र'अनर।

यॊहनस 8:55

अरा नीम आसिन मानिम नू बलकर, लिकिन ऎन आसिन अख़दन। अन्नु हूँ ऎन आसिन बलदन ब'ओन होले, ऎन हूँ निम्‍है लेक्‍खा ठकवा मनोन। लिकिन ऎन आसिन अख़दन, अरा आसी कत्‍थन पॆस्रदन।

1 यॊहन 1:2

एकास आ मानिम उज्जना र'अदस, आसिन धर्मेस एमा गे दहदर नंजस। अरा ऎम आसिन ईरकादम ती आसी पत्त नू गोवाह चि'अदम। धर्मे बंगस गने रहचका आ जनमजुग उज्जना ही पत्त दिम ऎम निमा गे मेन्त'अदम। अक्कु आस एमा गे दहदर मंजका र'अदस।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।

1 यॊहन 4:9

धर्मेस तंग्है ओन्टे लेका ख़द्दासिन ख़ॆख़ेल नू इदगे तइय्यस का नाम आसी ती जमनजुग उज्जनन ख़क्खा ओंग्दत। इत्रु धर्मेस नम्है मइय्याँ मंजका चोन्हन दहदर नंजस।