यॊहनस 7:19 - पुना गच्छरना NT (BSI)

¹⁹ मूसस निमा गे नॆग चिच्चस, अन्नु हूँ निम्‍है नू नॆ हूँ नॆग लेक्‍खा मल ऎकदर। होले एन्‍देरगे एंगन पिटा बेद्ददर?”

यॊहनस 7:19 ပူးပေါင်းရင်းမြစ်များ

मत्तायोस 12:14

ख़ने फरिसीर बहरी उरखर ती आसी बिड़दो नू चिताबुता नंजर येसुसिन एकासे पिटोत।

मत्तायोस 21:38

लिकिन ठिका होच्चका उर्बर तंग्‍दासिन ईरियर ती ताम ताम बाचनखरर, ईसिम गा पुंजी हिकदस, बरा नाम ईसिन पिटोत ती ईसी बटकी आबोन हो'ओत।

मरकुस 11:18

येसुस एन्‍देर नंजस अदिन मुध नैगर अरा नॆग सिखाब'उर मेंजर। ख़ने आर आसिन पिटा गे बेड़ा बेद्दते र'आलियर। आर गा आसिन एल्चालियर, इदगेका गोंहड़ा आसी सिखाब'अना ती अकबकरा केरा।

मरकुस 3:4

तहाँ येसुस अबड़ा फरिसीरिन बाचस, “ख़न्न ऎख़ना उल्‍ला नू मूसासी पॆसका लेक्‍खा एन्‍देर नन्ना बॆस र'ई, दौ नन्ना का मलदौ नन्ना, आलर ही उज्‍जनन बछाब'अना का मद‍इत मल नन्ना ती आलारिन खे'आ चि'अना?” लिकिन आर एन्देर हूँ मल बाचर।

मरकुस 3:6

ख़ने फरिसीर बहरी कालरकी लॆम हॆरॊदॆर गने येसुसिन पिटा गे चिता बूता नना हेलरर।

यॊहनस 1:17

एन्‍देरगेका धर्मेसी पॆसका मूसस ती चीतारा, लिकिन मया अरा मानिम येसु मसीस ती बरचा।

यॊहनस 10:39

औंगे अउरिम आर आसिन धर'आ गे बिद्दियर, लिकिन आस आर ही ख़ेक्खा ती बुचड़ारस केरस।

यॊहनस 11:53

ख़ने अउला तिम आर येसुसिन पिटना ही चिताबुता नना हेलरर।

यॊहनस 5:16

इबड़ा नलख गुट्ठिन येसुस ख़न्न ऎख़्रना उल्‍ला नू नंजका ती, यहूदी मुद्धर आसिन डाहा हेलरर।

यॊहनस 5:18

औंगे यहूदीर आसिन पिटा गे अउर कोड़हे बेद्दा लगियर का आस ख़न्‍न ऎख़ना उल्‍ला ही नॆगन लेका मल चाड़ा लगियस, लिकिन धर्मेसिन तंग्‍है बंगस ब'आलियस ती तंगन धर्मेसी जोक्‍खा ननालियस।

यॊहनस 5:45

धर्मे बंगस गुसन ऎन निमन बदी ननोन एन्ने अमके सोच'आ। नीम असरा ननू मूसस दिम निमन बदी ननोस।

यॊहनस 7:1

इबड़ा ही ख़ॊख़ा येसुस गलिलेया नू धर्मेसी कत्था तेंगा कुद्दा हेलरस। आस यूदेया नू तेंगा कुद्दा मल बेद्दा लगियस, एन्‍देरगेका यहूदी मुद्धर आसिन पिटा गे बेद्दा लगियर।

यॊहनस 7:25

तहाँ येरुसलॆम नू र'ऊ जोक्‍का आलर ब'आ लगियर, “ई आलस आसिम मलदस का नॆकन आर पिटा गे बेद्दा लगनर।

त‍इरकर 7:38

ई मूसस दिम इस्राऎल खोंड़हा गने टोड़ंग नू रहचस। अरा सीनाय परता नू तंग्‍है गने कछनख्रका मेर्ख़ा पैकस गने रहचस अरा नम्‍है पूरखर गने रहचस। आस उज्‍जनन चि'अना पॆसकन धर्मेस ती ख़क्‍खियस अरा आ पॆसकन नमा चिच्‍चस।

गलातिया 3:19

ईगे नॆग ही चाड़ एन्‍द्रा रहचा? ख़ॆख़ेल ता आलर गे अक्‍का-बलकन अख़त'आ गे का? ईद अब्राहमसी पिड़ही ही बरना गूटी र'ओ, अदगे गच्‍छरका रहचा, अरा धर्मेस तंग्‍है नॆगन मेर्ख़ा पैकर ती मूसासिन चिच्‍चस। एकास धर्मेस अरा आलर ही चिलकठवा रहचस।

गलातिया 6:13

खतना नंजका आलर हूँ गा ओर्मा नॆग नू मल ऎकनर। अन्नु हूँ आर निम्‍है कया ही पत्त ती फुल‍ई नना गे निमन खतना नन्‍त'आ बेद्दनर।