यॊहनस 7:17 - पुना गच्छरना NT (BSI)

¹⁷ नेक‍ईम धर्मेसी मनेन नना बेद्ददस होले, आस ई सिखाब'अना ही पत्त नू अख़'ओस का ईद धर्मेस तरती र'ई का महले ऎन एंग्‍है ती ब'अदन।

यॊहनस 7:17 ပူးပေါင်းရင်းမြစ်များ

मत्तायोस 6:22

मॆद ही बिल्‍ली ख़न्न। औंगे ख़न्न फरी र'ई होले निंग्‍‍है सौंसे मॆद हूँ बिल्‍ली र'ओ।

लू‍कस 8:15

अरा जोक्‍क आलर बिहनी खत्रका दौ ख़ॆख़ेल लेक्‍खा हिकनर। आर कत्‍थन मेन्नर ती सत अरा फरी जिया नू सम्ड़'अरकी उइय्नर अरा सहेलहे गने ख़ंजनर।

यॊहनस 3:21

लिकिन नॆ मानी गने उज्‍जनर, आर बिल्‍ली हेद्दे बरनर, अत्रु ईद दहदर मनी का आर ही नलख धर्मेस ती मंजकी र'ई।”

यॊहनस 8:43

ऎन एन्‍देर ब'अदन अदिन नीम एन्‍देरगे बुझुर'आ पोलदर? ईद ई चड्डे का एंग्‍है सिखाब'अनन नीम मल इंझ्रदर।

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

यॊहनस 8:47

एकास धर्मेसी आलस र'अदस, आस धर्मेसी कत्‍थन मेन्‍दस। नीम इदगे मल मेन्‍दर का नीम धर्मेसी आलर मलदर।”

त‍इरकर 17:11

इबड़ा ता यहूदीर थेस्‍सलोनिकॆ नगरे ता यहूदीर ती दौ ओक्‍कना इजना रहचर। अरा अबड़र कोड़हे ओन्‍क'आ ती कत्‍थन इंझ्रर, अरा उर्मी उल्‍ला आर नेम्हा पुथी नू बेद्दा लगियर का इबड़ा कत्‍था एन्नेम र'ई का मला।