यॊहनस 7:14 - पुना गच्छरना NT (BSI)

¹⁴ लिकिन परब ही मझी बेड़ा नू येसुस धर्मेसी मन्दिर ही चाली नू केरस ती सिखाब'आ हेलरस।

यॊहनस 7:14 ပူးပေါင်းရင်းမြစ်များ

मत्तायोस 21:12

येसुस धर्मेसी मन्दिर चाली नू कोर्चस। असन आलर दाँड़े नन्ना ही मेक्‍खोन ख़ॆंदा पिटालियर। ख़ने येसुस आरिन अइय्या ती बहरी ओथ्रस अरा रोम राजी ता ढिबन धर्मेसी मन्दिर ही ढिबा नू बदलुर ही कं‍डोन, अरा पेरवाँ बीसुर ही मचियन हूँ बिड़दाचस चिच्‍चस।

मत्तायोस 26:55

तहाँ येसुस गोंहड़ा आबोन बाचस, “ऎन गा उर्मी उल्‍ला धर्मेसी मन्दिर नू निम्‍है गने सिखाब'आ लिक्‍कन। ख़ने नीम एंगन मल धरचकर। नीम डाकू आलारिन धरना लेक्‍खा एंगन धर'आ गे तलवार अरा सोट्टा धर'अरकी बरचकादर।

लू‍कस 19:47

येसुस उल्‍ला उल्‍ला नू धर्मेसी मन्दिर ही चाली नू सिखाब'आ लगियस। अरा मुध नैगर अरा नॆग सिखाब'उर अरा आलर ही जोक्‍क मुद्धर आसिन पिटा गे मोका बेद्दा लगियर।

यॊहनस 18:20

येसुस आनाकिर्ताचस, “ऎन एन्‍देर सिखाबाचकन अदन ओर्मर अख़नर। ऎन उर्मी यहूदीर ख़ॊंड़रना गोड़हा एड़पा गुट्ठी नू अरा येरुसलॆम मन्‍दिर नू घड़ी घड़ी सिखाबाचकादन, अरा नुड़'अरकी एन्‍द्रन हूँ मल बाचकन।

यॊहनस 5:14

ख़ॊख़ा येसुस आ आलासिन धर्मेसी मन्दिर नू ख़क्‍खियस ती आसिन बाचस, “ऎरा, नीन कोड़े मंजकादय, अउरिम पाप अमके नना। महले इन्द्रिइम कोड़हे खिलपत निंगा मना ओंगी।”

यॊहनस 7:2

अक्‍कु यहूदीर ही कुमबा परब हेद्दे अंड़सकी रहचा।

यॊहनस 7:28

ख़ने येसुस धर्मेसी मन्दिर नू सिखाब'अनुम रहचस ती जॊर ती बाचस, “हाँ, एंगन नीम अख़दर अरा इदिन हूँ अख़दर ऎन एस्‍तन। लिकिन ऎन एंग्‍है मने ती मल बरचकन, ‍एंग्‍है तइय्युस मानिम र'अस, आसिन नीम बलदर।

यॊहनस 7:37

परब ही छेद्दे उल्‍ला मुध उल्‍ला नू येसुस इज्‍जस ती जॊरसरिया बाचस, “नीक‍ईम ओनक'आ सार'आ लगदर होले, एंग्‍है गुसन बरा ती ओना।

यॊहनस 8:2

अरा पैरी बारी आस धर्मेसी मन्दिर चाली नू अउरिम बरचस। ख़ने ओर्मा आलर आसी गुसन बरचर, अरा आस उक्‍कियस ती आरिन सिखाब'आ हेलरस।

यॊहनस 8:20

येसुस धर्मेसी मन्दिर नू सिखाब'अना बारी भंडार एड़पा गुसन इज्‍जस ती इबड़ा कत्‍थन बाचस। लिकिन नॆ हूँ आसिन मल हॆंचर, एन्‍देरगेका अक्‍कु गूटी आसी ठौका बेड़ा मल अंड़सकी रहचा।