यॊहनस 7:13 - पुना गच्छरना NT (BSI)

¹³ अन्नु हूँ यहूदी मुद्धर ही इलिच्‍क'आ ती नॆ हूँ आसी पत्त नू हरकट मल ब'आ लगियर।

यॊहनस 7:13 ပူးပေါင်းရင်းမြစ်များ

यॊहनस 19:38

इबड़ा ही ख़ॊख़ा अरिमतिया पद्दा ता यॊसॆफस येसुसी मॆदन हो'आ गे पिलातुस गुसन नॆचस। आस येसुसी चेला रहचस। यहूदीर ही इल्चका ती आस तंगन आसी चेलस एन्ने दहदर मल नंजकाचस। पिलातुस मॆदन हो'आ चिच्‍चस ख़ने, आस बरचस ती येसुसी मॆदन होच्‍चस केरस।

यॊहनस 20:19

अउलम हप्‍ता ही पहिल उल्‍ला बीड़ी पुतबारी, चेलर ख़ॊंड़रका रहचर। अरा यहूदी मुद्धर ही इल्‍चिक'आ ती आर बलिन मुच्‍चरर ती भितरी रहचर। येसुस बरचस ती आर ही मझी नू इज्‍जस, अरा चेलारिन बाचस, “निमा कोड़े मनन!”

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 7:1

इबड़ा ही ख़ॊख़ा येसुस गलिलेया नू धर्मेसी कत्था तेंगा कुद्दा हेलरस। आस यूदेया नू तेंगा कुद्दा मल बेद्दा लगियस, एन्‍देरगेका यहूदी मुद्धर आसिन पिटा गे बेद्दा लगियर।

यॊहनस 7:11

आ परब नू यहूदी मुद्धर आसिन बेद्दा लगियर अरा “आ आलस एसन?” एन्ने मेना लगियर।

यॊहनस 7:15

ख़ने यहूदीर हैकट मंजर ती ब'आ हेलरर, “ईस गे बिगर सिखिरकम इवंदा लूर एकासे बरचा?”

यॊहनस 9:22

आसी तंग्‍यो तम्‍बा यहूदी मुद्धारिन इल्‍चका ती एन्ने बाचर, ईगेका यहूदी मुद्धर ताम मुन्‍द तिम सलहा नंजका रहचर का नीकईम येसुसिन मसी ब'ओर होले, आरिन गोड़हा एड़पा ती ओथ्र'ओम चि'ओम।

यॊहनस 9:34

अरा आर आसिन बाचर, “नीन गा कुन्‍द्रका तिम पपहा र'अदय। नीन एमन सिखाब'आ गे चिहुट नन्‍दय का?” अरा आर आसिन गोड़हा एड़पा ती ओथ्रर चिच्‍चर।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।