यॊहनस 7:1 - पुना गच्छरना NT (BSI)

¹ इबड़ा ही ख़ॊख़ा येसुस गलिलेया नू धर्मेसी कत्था तेंगा कुद्दा हेलरस। आस यूदेया नू तेंगा कुद्दा मल बेद्दा लगियस, एन्‍देरगेका यहूदी मुद्धर आसिन पिटा गे बेद्दा लगियर।

यॊहनस 7:1 ပူးပေါင်းရင်းမြစ်များ

मत्तायोस 10:23

निमन ओन्‍टा पद्दा नू खिलपत नन्नर होले नन्ना पद्दा बोंके कालके। ऎन निमन मानिमन ब'अदन, ऎन मनवा ख़द्दासी बरना गूटी इस्राऎल राजी नू दौ कत्‍था तेंगा कुद्दना मल मुंज्रकी र'ओ।

मत्तायोस 21:38

लिकिन ठिका होच्चका उर्बर तंग्‍दासिन ईरियर ती ताम ताम बाचनखरर, ईसिम गा पुंजी हिकदस, बरा नाम ईसिन पिटोत ती ईसी बटकी आबोन हो'ओत।

मरकुस 11:18

येसुस एन्‍देर नंजस अदिन मुध नैगर अरा नॆग सिखाब'उर मेंजर। ख़ने आर आसिन पिटा गे बेड़ा बेद्दते र'आलियर। आर गा आसिन एल्चालियर, इदगेका गोंहड़ा आसी सिखाब'अना ती अकबकरा केरा।

यॊहनस 1:19

येरुसलॆम ता यहूदीर नैगारिन अरा लेवी गोतोर ता आलारिन “नीन एका ओर्तय?” एन्ने मेना गे यॊहनस गुसन त‍इय्यर।

यॊहनस 4:54

ईद येसुस यूदेया ती गलिलेया बरचका ख़ॊख़ा आस नंजका दोसर अजगुत नलख ही चिन्‍हा रहचा।

यॊहनस 6:1

इबड़ा ही ख़ॊख़ा येसुस गलिलेया समुदर आ फड़ा केरस, अदिन तिबेरया समुदर हूँ ब'अनर।

यॊहनस 7:11

आ परब नू यहूदी मुद्धर आसिन बेद्दा लगियर अरा “आ आलस एसन?” एन्ने मेना लगियर।

यॊहनस 7:13

अन्नु हूँ यहूदी मुद्धर ही इलिच्‍क'आ ती नॆ हूँ आसी पत्त नू हरकट मल ब'आ लगियर।

यॊहनस 7:19

मूसस निमा गे नॆग चिच्चस, अन्नु हूँ निम्‍है नू नॆ हूँ नॆग लेक्‍खा मल ऎकदर। होले एन्‍देरगे एंगन पिटा बेद्ददर?”

यॊहनस 7:25

तहाँ येरुसलॆम नू र'ऊ जोक्‍का आलर ब'आ लगियर, “ई आलस आसिम मलदस का नॆकन आर पिटा गे बेद्दा लगनर।

यॊहनस 7:35

ख़ने यहूदी मुद्धर ताम तामिम बाचर, “ईस एक्‍सन क'ओस, ख़ने नाम ईसिन बेद्दा पोल्‍लोत? ईस नन्ना राजी गुट्ठी नू युनानीर मझी नू उज्जू नम्‍है आलर गुसन क'ओस ती युनानीरिन सिखाब'ओस का?

यॊहनस 8:37

ऎन अख़दन का नीम अब्राहमसी बनस हिकदर, अन्नु हूँ नीम एंगन पिटा गे बेद्ददर, एन्‍देरगेका नीम एंग्‍है सिखाब'अनन मल इंझ्रदर।

यॊहनस 8:40

लिकिन नीम गा एंगन पिटा बेद्ददर, इगेका ऎन धर्मेस ती मेंजका मानिमन निमन तिंकादन। अब्राहमस इकला हूँ एन्ने नलख मल नंजस।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।