यॊहनस 6:7 - पुना गच्छरना NT (BSI)

⁷ फिलिप्‍पोस आसिन आनाकिर्ताचस, “आठ महिना नलख ही भूती ती असमा ख़ॆन्‍दोम होले हूँ इवं‍दा आलर गे कटी कटी हूँ मल मनो।”

यॊहनस 6:7 ပူးပေါင်းရင်းမြစ်များ

मत्तायोस 18:28

लिकिन आ जॊंख़स उरखस ख़ने, तंग्‍है ओर्तो संगे जॊंख़ासिन ख़क्‍खियस, एकास आसी सौ दॆनारी नहड़ा मोक्‍का रहचस। आस आसिन धरचस ती आसी ख़ेस्रन पेदख़स, ऎ बग्‍गे एंग्‍है नहड़ा मोक्‍कादय अदिन किर्त'आ चि'आ बाचस।

मरकुस 6:37

लिकिन आस आरिन किर्त'अर बाचस, “मला! नीमिम ईर गे ओना मॊख़ा गे इन्द्रिइम चि'आ।” आर आसिन किर्त'अर बाचर, “इबड़ा ओर्मर गे ओना मॊख़ा गे ख़ॆन्‍दोम होले, ओर्तोसी ऎंड़ सौ उल्‍ला ता भुती ही रुपया ती हूँ माल मनी।”

यॊहनस 1:43

दोसर उल्‍ला येसुस गलिलेया जिला काला गे बिद्दियस। अरा आस फिलिप्‍पोसिन ख़क्‍खियस ती आसिन बाचस, “एंग्‍है गने चॊंख़्र'आ।”

यॊहनस 1:44

फिलिप्‍पोस गा अन्‍द्रेयस अरा पतरसी नगरे बॆतसैदा ता रहचस।

यॊहनस 1:45

फिलिप्‍पोस नतन‍ऎलसिन ख़क्‍खियस ती बाचस, “नॆख'आ पत्त नू मूसस नॆग नू लिखचकादस अरा धर्मेसी कत्‍था तिंगुर हूँ लिखचकानर, आसिन ऎम ईरकम। आस यॊसॆफसी तंग्‍दस नासरेत पद्दा ता येसुस दिम हिकदस।”

यॊहनस 1:46

लिकिन नतनऎलस फिलिप्‍पोसिन बाचस, “नासरेत हिके का! नासरेत ती एकअम बॆस बर'आ ऊंगी का?” फिलिप्‍पोस बाचस, “बरा ती ऎरा।”

यॊहनस 1:48

नतनऎलस येसुसिन बाचस, “नीन एंगन एकासे अख़दय?” येसुस आनाकिर्ताचस, “फिलिप्‍पोस निंगन मॆख़ना ती मुन्‍द अंजीर मन्‍न मूली नू रहचकय ख़ने, निंगन ईरकाचकन।”

यॊहनस 12:5

“ई इसुंग ही दाम ओर्तोसी ओन बछर ही कमाब'अना ही भुती मनी, इदन बीसरकी कीड़र गे चि'आ ओंगो दने।”