यॊहनस 6:65 - पुना गच्छरना NT (BSI)

⁶⁵ फेन येसुस बाचस, “इदगेम ऎन निमन बाचकन का, बंगस ओर्तोसिन एंग्‍है गुसन बर'आ गे मल चि'अदस होले, नॆ हूँ एंग्‍है गुसन बर'आ पोल्‍लनर।”

यॊहनस 6:65 ပူးပေါင်းရင်းမြစ်များ

मत्तायोस 13:11

आस आनाकिर्ताचस, “निमा मेर्ख़ा राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे ईद मल्‍ला चीरका।

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 3:27

यॊहनस आनाकिर्ताचस, “नॆ हूँ एन्‍द्रन हूँ मल ख़क्‍खनर, एका गूटी धर्मेस मेर्ख़ा ती अदिन मल चि'अदस।

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

1 तीमोथियुस 1:14

नम्‍है उर्बासी मया गा एंग्‍है म‍इय्याँ कोड़हे ती कोड़हे मंजा अरा अदही संगे मसी येसुस नू र'ई आ पत्त‍'अना अरा चोन्‍हा चीतारा।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।