यॊहनस 6:60 - पुना गच्छरना NT (BSI)

⁶⁰ इदन मेंजर ती आसी बग्‍गे चेलर बाचर, “ई सिखाब'अना बुझुर'आ गे नगदे मसकिल र'ई, एकासे ओर्तस इदन इंझ्र'आ ओंग्‍दस?”

यॊहनस 6:60 ပူးပေါင်းရင်းမြစ်များ

मत्तायोस 11:6

अरा यॊहनसिन तेंगा, ‘एंग्‍है चड्डे एका ओर्तोस तंग्‍है पत्त'अना नू मल मूड़दस आस आसीस ख़क्‍खोस।’”

यॊहनस 2:2

येसुस अरा आसी चेलर हूँ आ बेंजा नू एड़रका रहचर।

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

यॊहनस 6:52

तहाँ यहूदीर ताम तामिम अरबानख्र'आ हेलरर, “ई आलस तंग्‍है अहड़न एकासे नमा मॊख़ा गे चि'आ ओंग्‍दस।”

यॊहनस 6:64

अन्नु हूँ निम्‍है नू जोक्‍कोर मल पत्त'अनर।” (येसुस गा ऒर तिम अक्‍खस का अबड़र ती नॆ नॆ तंगन मल पत्ताचर अरा नॆ तंग्‍है बिड़दो पपहर गे संगे चि'ओस।)

यॊहनस 6:66

इदही ख़ॊख़ा येसुसी बग्‍गे चेलर पछली किर्रियर अरा आसी गने चॊंख़्रनन अम्‍बियर।

यॊहनस 7:3

औंगे येसुसी भईर आसिन बाचर, “ई अड्डन अम्‍बा ती यूदेया कला, होले नीन ननू निंग्‍है अजगुत नलखन असन निंग्‍है चेलर ऎरा ओंगोर।

यॊहनस 8:31

तहाँ येसुस तंगन पत्ताचका अबड़ा यहूदीरिन बाचस, “नीम एंग्‍है कत्‍था नू बन्‍चका र'ओर होले, नीम मानिम नू एंग्‍है चेला मनोर।

यॊहनस 8:43

ऎन एन्‍देर ब'अदन अदिन नीम एन्‍देरगे बुझुर'आ पोलदर? ईद ई चड्डे का एंग्‍है सिखाब'अनन नीम मल इंझ्रदर।

इब्रानी 5:11

ऎम इदही पत्त नू नगदे कत्‍था ब'आ बेद्ददम, लिकिन अदिन बुझुरत'अना सेब्‍बा मलकी। इदगेका नीम लॆम मल बुझुरदर।

2 पतरस 3:16

आस तंग्है उर्मी चिठी नू इबड़ा कत्था गुट्ठी ही पत्त नू तेंगना बारी ई लेक्खम लिखचकादस। आस तिंका कत्था गुट्ठी नू जोक्क कत्था गुट्ठी बुझुर'आ गे मसकिल र'ई। बलका आलर अरा तम्है पत्त'अना नू ठिमठिमने मल र'ऊ आलर नेम्हा पुथी ता अउर कत्था गुट्ठिन नन्ना लेक्खा इबड़ा कत्था गुट्ठी गे बिड़दो मने ओथ्रनर ती तमा गे नठारनन ओन्द्रनर।