यॊहनस 6:51 - पुना गच्छरना NT (BSI)

⁵¹ मेर्ख़ा ती इत्तका उज्‍जना चि'ऊ असमा ऎन हिकदन। नेक‍ईम ई असमन मॊख़दस होले, आस उर्मी उल्‍ला उज्‍जोस। अरा ई असमा एंग्‍है अहड़ा हवे। इदन ऎन ख़ॆख़ेल ता आलर ही उज्‍जना गे चि'ओन।”

यॊहनस 6:51 ပူးပေါင်းရင်းမြစ်များ

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

लू‍कस 22:19

एन्ने ब'अरकी असमन होच्‍चस ती धर्मेस गे धन्‍यवाद नंजस। फिन अदिन किच्‍चियस ती चेलर गे चिच्‍चस अरा बाचस, “ईद एंग्‍है मॆद हिके, ईद निमा गे चीतारकी र'ई, एंग्‍है सुरता गे इदन नना।”

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

यॊहनस 11:26

अरा नॆ उज्‍जा लगदस अरा एंग्‍है मइय्याँ पत्त'अदस, आस हुल्‍लो गूटी मल खे'ओस। मारथा, नीन इदिन पत्त'अदी का?”

यॊहनस 3:13

मेर्ख़ा ती इत्तका मनवा ख़द्दस एंगन अम्‍बरकी नॆ हूँ मेर्ख़ा नू मल अरगनर।

यॊहनस 3:14

अरा एकासे मूसस टोड़ंग नू नेर्रेन खुटा नू टंगचस, आ लेक्‍खम मनवा ख़द्दन ऎन हूँ मइय्याँ अरगतारना ही चाड़ र'ई।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

यॊहनस 6:33

एन्‍देरगेका धर्मेसी असमा ईद हवे का, एकास मेर्ख़ा ती इत्तियस ती ख़ॆख़ेल ता आलर गे उज्‍जना चि'अदस।”

यॊहनस 6:35

येसुस आरिन बाचस, “ऎन दिम उज्‍जना चि'ऊ असमा हिकदन। नॆ एंग्‍है गुसन बरदस आस इकला हूँ कीड़ा मल सार'ओस, अरा नॆ एंगन पत्त'अदस आस इकला हूँ ओनक'आ मल सार'ओर।

यॊहनस 6:41

फेन यहूदीर आसी मइय्याँ कुड़कुड़र'आ हेलरर। एन्‍देरगेका येसुस “ऎन दिम मेर्ख़ा ती इत्तका असमा हिकदन” एन्ने बाचस।

यॊहनस 6:47

ऎन निमन मानिम ब'अदन, नॆ पत्त'अदस आस गे जनमजुग उज्‍जना र'ई।

यॊहनस 6:48

ऎन दिम उज्‍जना चि'ऊ असमा हिकदन।

यॊहनस 6:50

ईद मेर्ख़ा ती इत्तका असमा हवे। एकास इदन मॊख़दस, आस इकला हूँ मल खे'अदस।

यॊहनस 7:38

नेम्‍हा पुथी ब'अना लेक्‍खा एंग्‍है मइय्याँ पत्त'उसी जिया ती उज्‍जना चि'ऊ अम्मु ख़ाड़ लेक्‍खा बाह'ओ उरखो।”

2 कोरिन्‍थ 5:19

ईद एन्ने हिके का धर्मेस ख़ॆख़ेल ता ओर्मा आल जातियर ही अक्‍का-बलका गुट्ठिन मल गन'अरकी आरिन मसीस नू तंग्‍है गने मेसाबाचस ती ई मेसाब'अना ही कत्थन एमा सोंपचकादस।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

इफेसुस 5:25

अना मॆतारो, एकासे मसीस कलीसियन चोन्‍हा नंजस ती तंग्है जियन अदगे चिच्चस, अन्नेम नीम हूँ तम्है तम्है मुक्‍कन चोन्‍हा नना।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

1 पतरस 2:4

नीम गा मसीस गुसन बर'आ, एकास धर्मेसी मन्दिर ही उज्जना पखना हिकदस। आस आलर ती तरकूटी नन्तारकादस, लिकिन धर्मेस ती चाजरका अरा आस ती कोड़हे मईन ख़क्ख्रका र'अस।

1 यॊहन 2:2

अरा आसिम नम्है पाप गुट्ठिन ओथ्रना ही दाँड़े हिकदस, नम्है पाप गुट्ठिन लेका मला सौंसे ख़ॆख़ेल ता आलर ही पाप गुट्ठिन ओथ्रना दाँड़े हिकदस।

1 यॊहन 4:10

नाम धर्मेस मइय्याँ चोन्हा नंजका ती मला, आस नम्है मइय्याँ चोन्हा नंजका ती नम्है पाप गुट्ठिन ओथ्रना ही दाँड़े बेसे तंग्है ख़द्दासिन तइय्यस। ईदिम चोन्हा हवे।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।