यॊहनस 6:47 - पुना गच्छरना NT (BSI)

⁴⁷ ऎन निमन मानिम ब'अदन, नॆ पत्त'अदस आस गे जनमजुग उज्‍जना र'ई।

यॊहनस 6:47 ပူးပေါင်းရင်းမြစ်များ

यॊहनस 11:26

अरा नॆ उज्‍जा लगदस अरा एंग्‍है मइय्याँ पत्त'अदस, आस हुल्‍लो गूटी मल खे'ओस। मारथा, नीन इदिन पत्त'अदी का?”

यॊहनस 14:19

जोक्‍क घड़ी ख़ॊख़ा ख़ॆख़ेल एंगन ऎरा दिम पोल्‍लो। लिकिन नीम गा एंगन ऎरोर, ईगेका ऎन उज्‍जालदन, नीम हूँ उज्‍जोर।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

यॊहनस 3:18

नॆ धर्मेसी ख़द्दस नू पत्त'अदस, आस गे दंडे ही नेंव‍ई मल मनी। लिकिन नॆ आस नू मल पत्त'अदस, आस गे दंडे ही नेंव‍ई मंज ख़च्‍चकी र'ई, एन्‍देरगेका आस धर्मेसी ओर्त लेका ख़द्दासी नामे नू मल पत्त'अदस।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

यॊहनस 6:50

ईद मेर्ख़ा ती इत्तका असमा हवे। एकास इदन मॊख़दस, आस इकला हूँ मल खे'अदस।

यॊहनस 6:51

मेर्ख़ा ती इत्तका उज्‍जना चि'ऊ असमा ऎन हिकदन। नेक‍ईम ई असमन मॊख़दस होले, आस उर्मी उल्‍ला उज्‍जोस। अरा ई असमा एंग्‍है अहड़ा हवे। इदन ऎन ख़ॆख़ेल ता आलर ही उज्‍जना गे चि'ओन।”

यॊहनस 6:54

नॆ एंग्‍है अहड़न मॊख़दस, अरा एंग्‍है ख़ॆंसन ओन्दस, आस गे जनमजुग उज्‍जना र'ई, अरा छेद्दे उल्‍ला आसिन फेन उज्‍जा चॊद'ओन।

यॊहनस 6:58

ईदिम मेर्ख़ा ती इत्तका असमा हवे। ईद आ असमा लेक्‍खा मल्‍ली, एकदन निम्‍है पूरखर मोक्‍काचर। आर गा केच्‍चर केरर, लिकिन नॆ ई असमन मॊख़ोस, आस जनमजुग उज्‍जोस।”