यॊहनस 6:43 - पुना गच्छरना NT (BSI)

⁴³ येसुस आरिन आनाकिर्ताचस, “नीम निम्‍है नू अमा कुड़कुड़र'आ।

यॊहनस 6:43 ပူးပေါင်းရင်းမြစ်များ

मत्तायोस 16:8

लिकिन इदिन अक्‍खस ती येसुस आरिन बाचस, “अना पत्त'अना नू पयहा आलारो, निम्‍है गुसन असमा मल्‍ला अदही पत्त नू नीम एन्‍देरगे बाचनखर'आ लगदर?

मरकुस 9:33

फिन येसुस अरा आसी चेलर कफरनहूम केरर। एकाबारी आर एड़पा नू रहचर, आ बारी आस तंग्‍है चेलारिन मेंजस, “नीम डहरे नू एका पत्त नू कछनख्र'आ लिक्‍कर?”

यॊहनस 16:19

येसुस अक्‍खस का आर इदही पत्त नू तंगन मेना बेद्दनर। ख़ने आस आरिन बाचस, “‘एगघड़ी ख़ॊख़ा नीम एंगन मल ऎरोर, अरा एगघड़ी ख़ॊख़ा नीम एंगन अउर ऎरोर’ एन्ने ऎन बाचकन, इदही मने एन्‍देर एन्ने नीम ओर्त ओर्त नू मेना लगदर का?

यॊहनस 6:42

अरा आर ब'आ लगियर, “ईस गा येसुस, यॊसॆफसी तंग्‍दस, ईसी तंग्‍यो तम्‍बन नाम अख़दत, होले अक्‍कु ईस एकासे ब'अदस, ‘ऎन मेर्ख़ा ती इत्तका हिकदन?’”

यॊहनस 6:44

एंगन तइय्का बंगस ओर्तोसिन एंग्‍है गुसन मल नतगदस होले, नॆ हूँ एंग्‍है गुसन बर'आ पोल्‍लनर, अरा ऎन छेद्दे उल्‍ला नू आरिन उज्‍जा चॊद'ओन।

यॊहनस 6:64

अन्नु हूँ निम्‍है नू जोक्‍कोर मल पत्त'अनर।” (येसुस गा ऒर तिम अक्‍खस का अबड़र ती नॆ नॆ तंगन मल पत्ताचर अरा नॆ तंग्‍है बिड़दो पपहर गे संगे चि'ओस।)

इब्रानी 4:13

कम्रका ओर्मा धर्मेस ती एन्‍द्रा हूँ मल्‍ला नूख़्रका। अरा आसी ख़न्न ही मुन्‍दहारे उर्मी जिनिस फरीफरी अरा दहदर र'ई। आस गे नम्‍हा नंजका ओर्मा ही लेखा चि'अना र'ई।