यॊहनस 6:42 - पुना गच्छरना NT (BSI)

⁴² अरा आर ब'आ लगियर, “ईस गा येसुस, यॊसॆफसी तंग्‍दस, ईसी तंग्‍यो तम्‍बन नाम अख़दत, होले अक्‍कु ईस एकासे ब'अदस, ‘ऎन मेर्ख़ा ती इत्तका हिकदन?’”

यॊहनस 6:42 ပူးပေါင်းရင်းမြစ်များ

मरकुस 6:3

ईस बढ़ाईस मलदस का?, नाम अख़दत का ईस गा मरियम ही तंग्‍दस, अरा ईसी तंग्ड़िबगर याकॊब अरा यॊसॆस अरा यूदस अरा सिमॊन हिकनर। अरा ईसी बहिनोर हूँ नम्‍है पद्दा नू र'अनर।” एन्ने बाचर ती आर आसिन एन्ने म‍ईन मल नंजर।

लू‍कस 4:22

ओर्मर आसिन सहरारर, अरा एका मया ही कत्‍था गुट्ठी आसी ब‍ई ती उरखालिया, अत्रु ती अकबक मंजर। लिकिन फिन ब'आ हेलरर, “ईस यॊसॆफसी तंग्‍दस मलदस का?”

यॊहनस 1:45

फिलिप्‍पोस नतन‍ऎलसिन ख़क्‍खियस ती बाचस, “नॆख'आ पत्त नू मूसस नॆग नू लिखचकादस अरा धर्मेसी कत्‍था तिंगुर हूँ लिखचकानर, आसिन ऎम ईरकम। आस यॊसॆफसी तंग्‍दस नासरेत पद्दा ता येसुस दिम हिकदस।”

यॊहनस 3:13

मेर्ख़ा ती इत्तका मनवा ख़द्दस एंगन अम्‍बरकी नॆ हूँ मेर्ख़ा नू मल अरगनर।

यॊहनस 6:38

एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

यॊहनस 6:43

येसुस आरिन आनाकिर्ताचस, “नीम निम्‍है नू अमा कुड़कुड़र'आ।

यॊहनस 6:62

मनवा ख़द्दन ऎन मुन्‍द रहचकन आ अड्डा नू होतारनन नीम ऎरोर होले, एकासे र'ओ!

रोमी 9:5

आर अब्राहमस, इसाक, याकॊबसी जंईपुंई हिकनर, अरा आर ही बनस ती दिम कया नू मसीस हूँ कुन्‍द्रस। ईस दिम उर्मी ती कोहाँ धर्मेस, ईसी दिम हुल्‍लो ती हुल्‍लो गूटी ओहमा मनन। आमेन।

1 कोरिन्‍थ 15:47

पहिल आलस ख़ॆख़ेल ता हिकदस ख़ज्‍जो ती कम्रकादस। दोसर आलस मसीस मेर्ख़ा ता हिकदस।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।