यॊहनस 6:39 - पुना गच्छरना NT (BSI)

³⁹ अरा एंगन तइय्‍का धर्मेसी मने ईद र'ई का, एवंदा आलारिन आस एंगा चिच्‍चकादस, आरिन ‍ती नॆकन हूँ मल एबस‍'ओन, लिकिन छेद्दे उल्‍ला नू आरिन उज्‍जा चॊद'ओन।

यॊहनस 6:39 ပူးပေါင်းရင်းမြစ်များ

मत्तायोस 10:15

ऎन निमन मानिमन ब'अदन, ‘रायबड़ी उल्‍ला नू सोदोम अरा गोमोरा नगरे ता आलर ख़क्‍खना दंडे ती ई नगरे ता आलर ही ख़क्‍खना दंडे बग्‍गे मलदौ मनो।’

मत्तायोस 18:14

एन्नेम दिम निम्‍है बबस एकास मेर्ख़ा नू र'अदस आसी मने एन्ने मलकी का इबड़ा सन्नी मधे ती ओन्‍टा हूँ नठार'ओ।

लू‍कस 12:32

अनय सन्नी गोंहड़ा, अमय एल्‍चय। एन्‍देरगेका निम्‍बस निमा गे तंग्‍है गने मेर्ख़ा राजी नू राजी नना गे आकुस चि'आ गे मने नन्‍दस।

यॊहनस 12:48

नॆ एंगन ख़ाँड़ना ती एंग्‍है कत्‍था गुट्ठिन मल इंझ्रदस, आस गे ओन्टा नेंव‍ई ननुस र'अस। ऎन बाचका ई कत्‍था दिम छेद्दे उल्‍ला नू आसिन नेंव‍ई ननो।

यॊहनस 17:12

ऎन आर गने रहचकन ख़ने, नीन एंगा चिच्का निंग्‍है नामे ही सवंग ती ऎन आरिन ख़ापकन अरा बछाबाचकन। आर ही मधे ती नठारना गे ठनचकासिन अम्‍बर ओर्त हूँ मल्‍ला नठारका। इदगेका नेम्‍हा पुथी ता लिख्रका कत्‍था मनन नेकअन।

यॊहनस 17:2

नीन ओर्मा आलर मइय्याँ एंगा गे अदिया चिच्‍चकादय, नीन एंगा चिच्का ओर्मर गे ऎन जनमजुग ही उज्‍जना चि'आ गे दिम नीन इदन नंजकय।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

यॊहनस 17:6

एका आलारिन नीन ख़ॆख़ेल ती एंगा चिच्‍कय, आर गे ऎन निंगन दहदर नंजकन। आर निंग्‍है दिम रहचर, आरिन नीन एंगा चिच्‍कय, अरा आर निंग्‍है कत्‍थन मनचर।

यॊहनस 17:9

ऎन आर गे गोहरारदन। ऎन ख़ॆख़ेल गे मल गोहरारदन। नीन एंगा चिच्का ईर गे दिम गोहरारदन, एन्‍देरगेका आर निंग्‍है हिकनर।

यॊहनस 18:9

“नीन एंगा चिच्का अबड़र ती ओर्तारिन हूँ मल एब्‍सकन” एन्ने येसुस बाचका कत्‍था मना गे ईद एन्ने मंजा।

यॊहनस 5:28

इदही पत्त नू अमा हैकटर'आ, एन्‍देरगेका बेड़ा बर'आ लगी, केचका ओर्मा आलर एंग्‍है सड़न मेनोर।

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

यॊहनस 6:44

एंगन तइय्का बंगस ओर्तोसिन एंग्‍है गुसन मल नतगदस होले, नॆ हूँ एंग्‍है गुसन बर'आ पोल्‍लनर, अरा ऎन छेद्दे उल्‍ला नू आरिन उज्‍जा चॊद'ओन।

यॊहनस 6:54

नॆ एंग्‍है अहड़न मॊख़दस, अरा एंग्‍है ख़ॆंसन ओन्दस, आस गे जनमजुग उज्‍जना र'ई, अरा छेद्दे उल्‍ला आसिन फेन उज्‍जा चॊद'ओन।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

1 कोरिन्‍थ 6:14

अरा धर्मेस तंग्‍है सवंग ती उर्बासिन केच्‍कन ती उज्‍जताचस, अन्नेम आस नमन हूँ उज्‍जत'ओस।

2 तीमोथियुस 2:19

अन्नु हों धर्मेसिन मानी ती पत्त'ऊ आलर मसीसी पत्त'अना नू पोकता र'ओर। अरा धर्मेस बाचकादस, “तम्‍है आलारिन उर्बस अख़दस” अरा “नॆ ताम उर्बासी ख़ॊख़ा चॊंख़्रदम ब'अनर आर गे मलदौ नलखन मल नन्ना र'ई।”

याकॊब 5:15

पत्त'अना गने नन्ना गोहरारना बेमरहा आलासिन कोड़े ननी चि'ई। अरा उर्बस आसिन कोड़े ननोस। अरा आस पाप गुट्ठी नंजकादस होले, अबड़ा आस गे अम्बतार'ओ कालो।

1 पतरस 1:5

नीम गा आ नाड़रनन ख़क्खना गूटी निम्‍है पत्त'अना ती धर्मेस तंग्है सवंग ती निमन ख़ापालदस। आ नाड़रना छेद्दे बेड़ा नू दहदर मना गे सपड़ारकी र'ई।

यहूदा 1:1

येसु मसीसी जॊंख़ अरा याकॊबसी भईस ऎन यहूदा, धर्मे बंगासी दुलार अरा येसु मसीसी ख़ापना नू र'ऊ धर्मेस ती मॆख़्रका आलर गे ई चिठिन लिखदन।