यॊहनस 6:38 - पुना गच्छरना NT (BSI)

³⁸ एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

यॊहनस 6:38 ပူးပေါင်းရင်းမြစ်များ

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

यॊहनस 3:13

मेर्ख़ा ती इत्तका मनवा ख़द्दस एंगन अम्‍बरकी नॆ हूँ मेर्ख़ा नू मल अरगनर।

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 3:31

मइय्याँ ती बर'उस ओर्मर ती कोहँस दिम र'अस। अरा ख़ॆख़ेल ती बर'उस ख़ॆख़ेलतस हिकदस। आस ख़ॆख़ेल ता कत्‍था गुट्ठिन कछनख्रदस। लिकिन मेर्ख़ा ती बर'उस ओर्मर ती कोहँस दिम र'अस।

यॊहनस 4:34

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

यॊहनस 5:19

औंगे येसुस आरिन इदन फरीफरी तिंगियस, “ऎन निमन मानिम ब'अदन, ऎन धर्मेसी ख़द्दन एंग्‍है मने लेक्‍खा एन्‍द्रा हूँ नना पोलदन। एन्‍द्रन एम्‍बासी नन्नन ऎन ऎरदन अदिन लेका ऎन नन्‍दन। एन्‍द्रन एन्‍द्रन एम्‍बस नन्‍दस अदिन ऎन हूँ अन्नेम नन्‍दन।

यॊहनस 5:30

ऎन एंग्‍है मने लेक्‍खा एन्‍देर हूँ नना पोलदन। धर्मे बंगस ब'अना लेक्‍खम दिम ऎन नेंव‍ई नन्दन। अरा एंग्‍है नेंवई नन्‍ना उजगो र'ई, एन्‍देरगेका ऎन एंगा पत्तार'आ गे मला, एंगन त‍इय्‍का एम्‍बासिन पत्तार'आ गे बेद्ददन।

यॊहनस 6:29

येसुस आनाकिर्ताचस, “ई ओन्‍टा नलखन दिम नीम नना गे धर्मेस बेद्ददस का, नॆकन आस तइय्‍कादस आसिन पत्त'आ।”

यॊहनस 6:33

एन्‍देरगेका धर्मेसी असमा ईद हवे का, एकास मेर्ख़ा ती इत्तियस ती ख़ॆख़ेल ता आलर गे उज्‍जना चि'अदस।”

यॊहनस 6:42

अरा आर ब'आ लगियर, “ईस गा येसुस, यॊसॆफसी तंग्‍दस, ईसी तंग्‍यो तम्‍बन नाम अख़दत, होले अक्‍कु ईस एकासे ब'अदस, ‘ऎन मेर्ख़ा ती इत्तका हिकदन?’”

यॊहनस 6:57

उज्‍जना चि'ऊ बंगस एंगन तइय्‍कादस, अरा बंगासी चड्डे दिम ऎन उज्‍जदन। अन्नेम नॆ एंगन मॊख़दस, आस गे एंग्‍है ती उज्‍जना ख़क्‍ख्र'ओ।

रोमी 15:3

मसीस हूँ तान तंगानिम रिझ्रनुम मल उज्‍जियस, एकासे का नेम्‍हा पुथी नू लिख्रकी र'ई, “निंग्‍है निंदा ननुर ही निंदा एंग्‍है म‍इय्याँ बरचिम बिच्‍चिया।”

इफेसुस 4:9

अक्कु “आस मेच्‍छा नू मइय्याँ अरगियस” इदही एन्देर मने? इदही मने ईद र'ई का आस इदही मुन्द ख़ॆख़ेल ही किय्या अड्डा गुट्ठी नू हूँ इत्तियस।

इब्रानी 5:8

आस धर्मेसी ख़द्दस रहचस, अन्नु हूँ आस दुक्‍खे चॊदस ती पॆस्रनन सिख्रस।