यॊहनस 6:36 - पुना गच्छरना NT (BSI)

³⁶ ऎन निमन मुन्‍द तिंकादन का नीम एंगन ईरकादर, अन्नु हूँ एंगन मल पत्त'अदर।

यॊहनस 6:36 ပူးပေါင်းရင်းမြစ်များ

लू‍कस 16:31

लिकिन अब्राहमस आसिन बाचस, ‘मूसासी पॆसका अरा धर्मेसी कत्‍था तिंगुर ही पुथी गुट्ठिन मल मेनोर होले, नीक‍इम केचका ती उज्‍जा चो'ओस ती आरिन तेंगोस होले हूँ आसिन मल मेनोर।’”

यॊहनस 12:37

येसुस आलर ही मुन्‍दहारे कोड़हे बग्‍गे अजगुत नलख ही चिन्‍हा नंजका ती हूँ आर आसिन मल पत्ताचर।

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 6:26

येसुस आनाकिर्ताचस, “ऎन निमन मानिम ब'अदन, नीम अजगुत नलख ही चिन्‍हन ईरका ती मला, लिकिन नीम उड़ुच लिंघ'आ असमा मोक्‍का चड्डे नीम एंगन बेद्ददर।

यॊहनस 6:30

ख़ने आ आलर आसिन मेंजर, “होले नीन एमा एका अजगुत नलख ही चिन्‍हन ऎद'ओय का अदिन ऎम ऎरोम ती निंगन पत्त'आ ओंग्‍दम? नीन एन्‍देर ननोय?

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

यॊहनस 6:64

अन्नु हूँ निम्‍है नू जोक्‍कोर मल पत्त'अनर।” (येसुस गा ऒर तिम अक्‍खस का अबड़र ती नॆ नॆ तंगन मल पत्ताचर अरा नॆ तंग्‍है बिड़दो पपहर गे संगे चि'ओस।)